ՍՏՐԱՆՋԱ. ԱՆՈՒՇ ԳՐԻԳՈՐՅԱՆԸ ՀԱՂԹԵԼ Է ԻՏԱԼԱՑԻ ՄՐՑԱԿՑԻՆ

Բուլղարիայում շարունակվող Բռնցքամարտի Ստրանջայի 77֊րդ հեղինակավոր միջազգային մրցաշարում երեկ փետրվարի 25֊ին Կանանց հավաքականի ներկայացուցիչ, Եվրոպայի առաջնության բրոնզե մեդալակիր ԱՆՈՒՇ ԳՐԻԳՈՐՅԱՆԸ, հանդես գալով 51 կգ քաշային կարգում, պարտության է մատնել իտալացի Նիկոլ Միշել Վեսկովիին։ Իսկ Աշխարհի փոխչեմպիոն, Փարիզի ՕԽ մասնակից ԴԱՎԻԹ ՉԱԼՈՅԱՆԸ, ցավոք անհաջող մեկնարկեց այս մրցաշարում, +90 կգ քաշայինների պայքարում հայ մարզիկը մենամարտեց Գերմանիայի ներկայացուցիչ Պուտիլովի հետ ու պարտվեց միավորներով։ Չալոյանը միայն երրորդ ռաունդում փորձեց կորցրածը հետ բերել, բայց միավորների տարբերությունը ակնհայտ էր ու թերևս իրավիճակը հնարավոր կլիներ շտկել միայն նոկաուտով կամ մի քանի նոկդաուններով, ինչը մնացած 3 րոպեների ընթացքում նրան չհաջողվեց։ Ցավոք, 60 կգ քաշային ԱՐԹՈՒՐ ԲԱԶԵՅԱՆԸ, իր երկրորդ մենամարտում պարտվեց ամերիկացի մրցակցին, պարտություն կրեց նաև ԷԼԻԴԱ ՔՈՉԱՐՅԱՆԸ 65 կգ քաշային կարգում, նրա մրցակիցը Իռլանդիայի ներկայացուցիչն էր։

Այսօր փետրվարի 26-ին, Հայաստանն ունի 2 ներկայացուցիչ ԱՐԹՈՒՐ ՍԱՀԱԿՅԱՆԸ 65կգ, սա նրա առաջին մենամարտն է լինելու և ԱՆՈՒՇ ԳՐԻԳՈՐՅԱՆԸ 51 կգ։ Հաջողություն մեր մարզիկներին։

ՀՈՎՀԱՆՆԵՍ ՍԱՐԳՍՅԱՆ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով