Չեմպիոնների լիգա. 1/8 եզրափակիչի բոլոր մասնակիցներն ու սպասվելիք դիմակայությունները

Ավարտվեցին Չեմպիոնների լիգայի 2025/2026 մրցաշրջանի փլեյ-օֆֆ անցումային խաղերը, որոնց արդյունքներով վերջնականապես հայտնի դարձան Եվրոպայի գլխավոր ակումբային մրցաշարի 1/8 եզրափակիչի բոլոր մասնակիցները:

Անցումային խաղերի արգելքը հաջողությամբ հաղթահարեցին ու հաջորդ փուլի ուղեգիր նվաճեցին «Նյուքասլը», Մադրիդի «Ատլետիկոն», «Բուդյո-Գլիմտը», Լևերկուզենի «Բայերը», ՊՍԺ-ն, «Գալաթասարայը», Մադրիդի «Ռեալն» ու «Ատալանտան»:

Ավելի վաղ ընդհանուր փուլի արդյունքներով միանգամից 1/8 եզրափակիչ էին դուրս եկել «Բարսելոնան», «Չելսին», «Լիվերպուլը», «Տոտենհեմը», «Սպորտինգը», «Մանչեսթեր Սիթին», Լոնդոնի «Արսենալն» ու Մյունխենի «Բավարիան»: 

Մրցաշարի նոր ձևաչափով պայմանավորված՝ արդեն իսկ հայտնի են 1/8 եզրափակիչի հավանական զույգերը.

• ՊՍԺ — «Բարսելոնա» / «Չելսի»
• «Գալաթասարայ» — «Լիվերպուլ» / «Տոտենհեմ»
• «Ռեալ Մադրիդ» — «Սպորտինգ» / «Մանչեսթեր Սիթի»
• «Ատալանտա» — «Արսենալ» / «Բավարիա»
• «Նյուքասլ» — «Չելսի» / «Բարսելոնա»
• «Ատլետիկո Մադրիդ» — «Տոտենհեմ» / «Լիվերպուլ»
• «Բուդյո-Գլիմտ» — «Մանչեսթեր Սիթի» / «Սպորտինգ»
• «Բայեր» — «Բավարիա» / «Արսենալ»

1/8 եզրափակիչի վիճակահանությունը կկայանա վաղը՝ փետրվարի 27-ին: Արարողությունը կմեկնարկի Երևանի ժամանակով 15:00-ին:

Այս թեմայով Ազգերի լիգա. Այսօր կայանալիք հանդիպումները Սուպերհամակարգիչը կանխատեսել է Չեմպիոնների լիգայի հաջորդ չեմպիոնին Յունիսպորտը» դուրս եկավ ֆուտզալի Չեմպիոնների լիգայի հիմնական փուլ «Ինտերի» մրցակիցները` Չեմպիոնների լիգայի խաղարկության լիգայի փուլում Չեմպիոնների լիգա. 32 ակումբ նվաճել է հիմնական փուլի ուղեգիր