ՀԱՄԼԵՏ ՄԱՆՈՒԿՅԱՆԸ ԵՎՐՈՊԱՅԻ 2025 ԹՎԱԿԱՆԻ ԼԱՎԱԳՈՒՅՆ ՄԱՐՄՆԱՄԱՐԶԻԿ ՄՐՑԱՆԱԿԻ ՀԱՎԱԿՆՈՐԴ

 Եվրոպայի չեմպիոն, Ունիվերսիադայի չեմպիոն, երիտասարդների Աշխարհի կրկնակի չեմպիոն, 18-ամյա մարմնամարզիկ ՀԱՄԼԵՏ ՄԱՆՈՒԿՅԱՆԸ 2025 թվականի լավագույն մարմնամարզիկ մրցանակի հավակնորդ է։ Մարմնամարզության Եվրոպական ֆեդերացիայի կայքում մեկնարկել է անցած տարվա լավագույն տղամարդ մարմնամարզիկ անվանակարգի քվեարկությունը։ «Սա մեծ ձեռքբերում է հայկական մարմնամարզության համար և յուրաքանչյուր ձայն կարևոր է։ Խնդրում ենք քվեարկել մեր մարզիկի օգտին նշված հղումով և տարածել տեղեկությունը, որպեսզի աջակցենք մեր չեմպիոնին միջազգային ասպարեզում», գրված է ՀՊՖ էջում։ Համլետ Մանուկյանի հետ մրցանակի համար պայքարում են սպորտային ակրոբատիկայի Եվրոպայի բրոնզե մեդալակիր, պորտուգալացի Գաբրիել Ալբուկեկը, Եվրոպայի չեմպիոն, ադրբեջանցի Տոֆիգ Ալիևը, սպորտային մարմնամարզության Աշխարհի բրոնզե մեդալակիր, ԵԱ փոխչեմպիոն, շվեյցարացի Նոե Ջայֆերը, սպորտային մարմնամարզության Աշխարհի փոխչեմպիոն, Եվրոպայի քառակի չեմպիոն, բրազիլացի Լյուկ Ուայթ Հաուսը։ Հաջողություն մեր մարմնամարզիկ Համլետ Մանուկյանին։

ՀՈՎՀԱՆՆԵՍ ՍԱՐԳՍՅԱՆ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով