Ջերմացնող գարունն ուշանում է. ի՞նչ եղանակ է սպասվում առաջիկա օրերին

Հայաստանն առաջիկա օրերին գտնվելու է Սև ծովից ներթափանցող ցիկլոնի ազդեցության գոտում։

«Արմենպրես»-ի հետ զրույցում ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը տեղեկացրեց, որ ցիկլոնի ներթափանցմամբ պայմանավորված՝ մարտի 7-ի երեկոյան, մարտի 8-ին շրջանների մեծ մասում սպասվում են տեղումներ։ Լեռնային գոտիներում կտեղա ձյուն, նախալեռնային գոտիներում կտեղա ձնախառն անձրև։ Օդի ջերմաստիճանը կնվազի 2-5 աստիճանով։ Տեղումներն աստիճանաբար կդադարեն մարտի 9-ի առավոտյան, իսկ մարտի 10-ին և 11-ին օդի ջերմաստիճանը նույնքանով կբարձրանա։

Ե՞րբ կլինի գարնանային ջերմացնող եղանակ։

«Ինչպես գիտեք մարտի համար կանխատեսվել է սառը եղանակ, օդի ջերմաստիճանն էլ՝ նորմայից ցածր։ Կարող եմ ասել, որ առաջիկա 10 օրերին օդի ջերմաստիճանի լուրջ բարձրացում չի կանխատեսվում։ Պետք է ընդգծել, որ գյուղատնտեսական առումով ձմեռը եղել է բարենպաստ, գարնանային մեկնարկը նույնպես բարենպաստ է, քանի որ, սառը եղանակով պայմանավորված, ծառերի ծաղկումն ուշանում է։ Որքան ուշ են ծաղկում ծառերը, այնքան փոքր է ցրտահարության ռիսկը»,-ասաց Գագիկ Սուրենյանը։

Այս թեմայով «2016թ նոյեմբերի 1-ին Երևանում առատ ձյուն տեղաց». Գագիկ Սուրենյան Հայաստանը կգտնվի սառը օդային հոսանքների ազդեցության գոտում. ջերմաստիճանը կնվազի, կդիտվեն տեղումներ. Սուրենյան Մեզ մոտենում են արևադարձային տաք օդային հոսանքներ. Սուրենյան Այսօր Երևանում կդիտվի ամենաերկար ցերեկը և ամենակարճ գիշերը. Սուրենյան Այսօր ուշ երեկոյան Միջերկրական ծովի շրջաններից հերթական ցիկլոնը կներթափանցի, ջերմաստիճանը կնվազի․ Սուրենյան