ԹՐԱՄՓԻ ՇՈՒՐՋ ՕՂԱԿԸ ԴԵՌ ՄԻԱՅՆ ՍԵՂՄՎՈՒՄ Է

Ի­րա­նա­կան պա­տե­րազ­մը, նման է, որ աս­տի­ճա­նա­բար սկսում է տե­ղա­փոխ­վել` կբա­նակ­ցենք-չենք բա­նակ­ցի հարթություն: Վա­շինգ­տո­նի` բա­նակ­ցե­լու մա­սին պար­բե­րա­բար մե­սիջ­ներ գա­լիս են: Օ­րի­նակ` Թ­րամ­փը, թեեւ հիմ­նա­կա­նում խո­սում է «ար­դեն հաղ­թել ենք» թե­մա­յով, սա­կայն, Fox News-ին նա նաեւ ա­սել է, որ կա­րող է խո­սել Ի­րա­նի հետ:

Ի­րա­նը եւս պար­բե­րա­բար հայտ­նում է, որ բա­նակ­ցե­լու մա­սին ա­ռա­ջարկ­ներ ԱՄՆ-ից ստաց­վում են: Թեհ­րա­նը եւս խո­շոր հաշ­վով դեմ չէ պայ­մա­նա­վոր­վելուն, բայց ու­նի շատ կոնկ­րետ եւ հաս­կա­նա­լի պայ­ման­ներ: Լի­բա­նան­յան «Al Mayadeen» հե­ռուս­տաա­լի­քի փո­խանց­մամբ, ի­րա­նա­կան հիմ­նա­կան պայ­ման­նե­րը այս ուղղ­վա­ծութ­յամբ են` պա­տե­րազ­մի չվերսկս­ման ե­րաշ­խիք­նե­րը, մի­ջու­կա­յին վա­ռե­լի­քի ամ­բող­ջա­կան ցիկ­լի ձեռք­բե­րու­մը եւ փոխ­հա­տուց­ման վճա­րում­նե­րը: Մո­տա­վո­րա­պես այդ կար­գի է նաեւ ԻՀՊԿ-ի մո­տե­ցու­մը. «Մենք կա­վար­տենք պա­տե­րազ­մը, երբ պա­տե­րազ­մի ստվե­րը կան­հե­տա­նա մեր երկ­րից»: Սա­կայն Ի­րա­նում այս պա­հին, բնա­կան է, դեռ ո­րե­ւէ հա­վատ չկա ԱՄՆ-ի բա­նակ­ցե­լու նպա­տակ­նե­րի ան­կեղ­ծութ­յան մեջ: Ի­րա­նա­կան Գլ­խա­վոր շտա­բի` «Խա­թամ ​​ալ-Ան­բիա»-ի գնա­հատ­մամբ. «Թ­րամ­փի` հրա­դա­դա­րի նպա­տա­կը վե­րախմ­բա­վո­րումն է: Ի­րա­նը չի նա­հան­ջում, չի ընկ­նում այս խո­րա­ման­կութ­յան մեջ, եւ մենք թշնա­մու ճամ­բա­րի ետ­եւում ենք»:

­Բայց մյուս կող­մից այն վի­ճա­կը, ո­րը խո­րա­նում է Թ­րամ­փի շուրջ, բա­նակ­ցե­լու եւ «դեմ­քը փրկող» ո­րե­ւէ տար­բե­րա­կով պա­տե­րազ­մը դա­դա­րեց­նե­լու գա­ղա­փարն այն­քան էլ մեր­կա­պա­րա­նոց չէ: Օ­րի­նակ, WSJ-ը փո­խան­ցում է, որ Թ­րամ­փի խորհր­դա­կան­նե­րը նրան ակ­տի­վո­րեն կոչ են ա­նում շտապ դուրս գալ Ի­րա­նի հետ պա­տե­րազ­մից: Ի­մաս­տը միան­գա­մայն սպա­սե­լի էր. խորհր­դա­կան­նե­րը վա­խե­նում են Ս­պի­տակ տան հա­մար լուրջ քա­ղա­քա­կան հետ­եւանք­նե­րից՝ եր­կա­րատեւ պա­տե­րազ­մի դեպ­քում։ Հիմ­նա­կան պատ­ճառ­նե­րից մե­կը նավ­թի գնե­րի աճն ու ԱՄՆ-ում ընտ­րող­նե­րի դժգո­հութ­յունն է։ Իսկ որ­պես «դեմ­քը փրկող մի­ջոց» կա­րող է ծա­ռա­յել «հիմ­նա­վո­րու­մը», թե ա­մե­րիկ­յան «զին­վո­րա­կան­նե­րը մեծ մա­սամբ հա­սել են ի­րենց նպա­տակ­նե­րին», այ­սինքն` «ա­ռա­քե­լութ­յու­նը հաղ­թա­կան ա­վարտ» է ու­նե­ցել։ Հենց այդ տեսքն ու­ներ նա­խօ­րեին Թ­րամ­փի ա­րած հեր­թա­կան հայ­տա­րա­րութ­յու­նը, թե Ի­րա­նի հետ պա­տե­րազ­մը կա­րող է ա­վարտ­վել «ա­մե­նա­մոտ ա­պա­գա­յում», քա­նի որ «գործ­նա­կա­նում այլեւս թի­րախ­ներ չկան հար­վա­ծե­լու հա­մար»: «Քիչ-քիչ այս­տեղ-այն­տեղ... Երբ ես ու­զե­նամ, որ այն ա­վարտ­վի, այն կա­վարտ­վի», - ա­սաց ԱՄՆ նա­խա­գահն իր խո­սա­փո­ղի պես մի բան դար­ձած Axios-ի հետ կարճ հե­ռա­խո­սազ­րույ­ցի ժա­մա­նակ։

Ընդ ո­րում, ա­մեն մի օր­վա ու­շա­ցում էլ ա­վե­լի է սրում խա­ղա­ղութ­յան գնա­լու հա­մար WSJ-ի ներ­կա­յաց­րած այդ պատ­ճառ­նե­րը: Նավ­թի գնե­րի մա­սով` եւս մեկ շատ լուրջ թռիչ­քի պատ­ճառ կա­րող է դառ­նալ այն, որ Ի­րա­նը սկսել է ա­կա­նա­պա­տել Հոր­մու­զի նե­ղու­ցը: Այդ փաս­տը Թ­րամ­փին հասց­րեց հիս­տե­րիա­յի: «Ե­թե Ի­րա­նը ա­կան­ներ է տե­ղադ­րել Հոր­մու­զի նե­ղու­ցում, եւ մենք չու­նենք որ­եւէ հա­ղոր­դագ­րութ­յուն, որ նրանք ու­նեն հնա­րա­վո­րութ­յուն, եւ մենք ու­զում ենք, որ դրանք ՀԻՄԱ հե­ռաց­վեն։ Ե­թե որ­եւէ պատ­ճա­ռով ա­կան­ներ են տե­ղադր­վել, եւ դ­րանք ան­մի­ջա­պես չեն հե­ռաց­վում, Ի­րա­նի հա­մար ռազ­մա­կան հետ­եւանք­նե­րը կլի­նեն ան­նա­խա­դեպ մա­կար­դա­կի», - հայ­տա­րա­րեց նա։ Ի­հար­կե, «ան­նա­խա­դեպ մա­կար­դա­կի ռազ­մա­կան հետ­եւանք­նե­րի» մա­սին Թ­րամ­փի հո­խոր­տանք­նե­րին Թեհ­րա­նը հա­զիվ թե ու­շադ­րութ­յուն դարձ­նի: Բայց այն, որ Թ­րամփն այդ­քան նյար­դայ­նա­նա­լու պատ­ճառ ու­նի, դա եւս կար­ե­լի է հաս­կա­նալ: Հոր­մու­զի նե­ղու­ցի ա­կա­նա­պա­տու­մը կնշա­նա­կի, որ այն փակ է լի­նե­լու շատ եր­կար, ո­րը հեր­թա­կան թռիչ­քը կհա­ղոր­դի հա­մաշ­խար­հա­յին է­ներ­գե­տիկ գնե­րին: Ինչ վե­րա­բե­րում է ԱՄՆ-ում ընտ­րող­նե­րի դժգո­հութ­յա­նը, ա­պա պա­տե­րազ­մի ա­մեն մի օր­վա ձգձգու­մը եւ դրա­նից սպաս­վող միան­գա­մայն հաս­կա­նա­լի հե­տե­ւանք­նե­րը շա­րու­նա­կում են նույն հե­տե­ւո­ղա­կա­նութ­յամբ սրել նե­րա­մե­րիկ­յան մթնո­լոր­տը Թ­րամ­փի շուրջ` ներ­քին մա­հա­ցու թշնա­մի­նե­րին տա­լով նրա նկատ­մամբ ճնշման նո­րա­նոր լծակ­ներ: Օ­րի­նակ, ինչ­պես հայտ­նում է «The New York Times»-ը, ԱՄՆ-ում շա­րու­նակ­վում է ռազ­մա­կան հե­տաքն­նութ­յու­նը, պար­զե­լու հա­մար, թե պա­տե­րազ­մի ա­ռա­ջին օ­րը` փետր­վա­րի 28-ին, ով է հար­վա­ծել Ի­րա­նի Մի­նա­բի աղ­ջիկ­նե­րի տար­րա­կան դպրո­ցին: Ու նախ­նա­կան վար­կա­ծը մատ­նան­շում է հենց ա­մե­րիկ­յան ու­ժե­րին, ո­րոնց «Տո­մա­հավկ» թեւա­վոր հրթիռն ի­րա­կա­նաց­րել է այդ ող­բեր­գութ­յու­նը: Հի­շեց­նենք` Թ­րամ­փը փոր­ձեց այդ բա­ցա­հայտ ոճ­րա­գոր­ծութ­յան մեղ­քը բար­դել Ի­րա­նի վրա, ո­րը զա­վեշ­տի էր նման­վում, քա­նի որ Թեհ­րա­նը «Տո­մա­հավկ»-ներ պար­զա­պես չու­նի: Ու հի­մա դպրո­ցին հասց­ված հար­վա­ծը բու­մե­րան­գի է­ֆեկ­տով վե­րա­դառ­նում է Թ­րամ­փին, ու ա­մե­րիկ­յան դե­մոկ­րատ­նե­րը, ի­հար­կե, ա­մեն բան կա­նեն, որ այդ «պա­տաս­խան հար­վա­ծը» դառ­նա մա­հա­ցու: Իսկ սա Թ­րամ­փին դե­պի իմ­պիչ­մենտ տա­նող դրվագ­նե­րից ըն­դա­մե­նը մեկն է:

­Միայն թե, ե­թե պա­տե­րազ­մը կանգ առ­նի, Թ­րամ­փը կա­րո­ղա­նա ներ­կա­յա­նալ «հաղ­թո­ղի» կեր­պա­րով, այս բո­լոր հար­ցե­րը, ի­հար­կե, շատ ա­րագ օ­րա­կար­գից դուրս կմղվեն:

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն