Այդ ուռեցված փուչիկը պայթելու է, շատերն էլ մնալու են ռեզինի տակ. Կարապետ Պողոսյան

Իշխանությունը պնդում է՝ առաջիկա համապետական ընտրություններին «Գյումրի-2» չի լինելու, ընտրություններին առանձին-առանձին մասնակցող ընդդիմադիրներն էլ խոստանում են՝ «Գյումրի-2» տարբերակը չի բացառվում: Ի վերջո, իրականում հնարավոր կլինի՞ կրկնել «Գյումրի-2» սցենարը, այսինքն՝ արդյունքում ընտրական շեմը հաղթահարած ընդդիմադիրները միավորվեն, ձեւավորեն իշխանություն եւ ընտրեն վարչապետ, «Իրավունք»-ը պարզեց ընդդիմադիր քաղաքական գործիչ, իրավապաշտպան ԿԱՐԱՊԵՏ ՊՈՂՈՍՅԱՆԻ տեսակետը:

— Նախ սկսենք նրանից, թե ինչ ցույց տվեց Գյումրիի օրինակը: Որտե՞ղ է հիմա Գյումրիի ընդդիմադիր քաղաքապետը: Եթե կալանավայրում է, նշանակում է Գյումրին շահե՞ց դրանից։ Բացի այդ, անընդհատ որ բերում են Գյումրիի օրինակը, որեւէ ընդդիմադիր քաղաքական ուժ, որպես այդպիսին, մասնակցե՞լ է Գյումրիի ընտրություններին: Օրինակ` ՀՅԴ-ն մասնակցե՞լ է, ՀՀԿ-ն մասնակցե՞լ է, Սամվել Կարապետյանի ուժը մասնակցե՞լ է, նրանցից որեւէ մեկը չի մասնակցել: Դա եղել է անհատների պայքար, քաղաքային, այսպես ասած, միջոցառում ընդամենը: Պարզապես, Նիկոլ Փաշինյանի եւ որոշ ընդդիմադիր ուժերի ձեռամբ այն փուչիկի պես ուռեցվեց ու ուռեցվեց, եւ արդյունքում փուռը տվեցին Վարդան Ղուկասյանին։ Ուրիշ ոչինչ: Դա համարել քաղաքական պրոցես, դարձնել քաղաքական էտալոն եւ դրա հետեւից գնալ ազնիվ չէ:

Ավելին ասեմ՝ ՔՊ-ի Սարիկ Մինասյանն անհնար էր Գյումրիում 15 հազար ձայն ունենար, իրականում այդ ընտրություններին պիտի լիներ ընդհանուր առմամբ՝ 15 հազար մասնակցություն եւ ոչ ավելին։ Այս հարցում ՔՊ-ն, կարելի է ասել, հաղթեց, որովհետեւ էլի եմ ասում՝ անհնար էր ՔՊ-ն ունենար այդքան ձայն, բացառված էր: Հետեւապես, քաղաքական ուժերը մինչեւ, Ձեր ասած, «Գյումրի-2» սցենար մտածելը, թող գնան ու մի հատ հասկանան, թե այդ սցենարը որտեղի՞ց դուրս եկավ: Այդ փուչիկն ինչպես ուռեց: Եթե իրենք այդ տրամաբանությամբ են գնալու, մի հատ նման փուչիկ էլ ուռելու է ամբողջ Հայաստանի Հանրապետության տարածքում, որը պայթելու է, եւ իրենցից շատերն էլ մնալու են այդ ռեզինի տակ։

ՀՐԱՆՏ ՍԱՐԱՖՅԱՆ

Այս թեմայով Քննչական կոմիտեի նախագահի հայտարարությունը նույնպես հուշում է՝ Նիկոլի կամոք Մուսաեւը կարտահանձնվի Ադրբեջանին Նիկոլը հագնում է Ալիեւի կոստյումը․ Պողոսյան Փորձեք այդ ժամանակը հաշվել սպասող մոր սրտով. Հիկտեմբերի 27-ի ողբերգության նախօրեին հրատապ հայտարարությամբ է հանդես եկել հայտնի փաստաբանը Վարչապետի մակարդակով հնչում են հրապարակային հրահանգներ, իսկ ժամեր անց իրավապահ համակարգը գործողությունների է անցնում ընդդիմադիր ուժի դեմ՝ ընտրություններից ընդամենը օրեր առաջ․ Իրավապաշտպան Կարեւոր է իմանալ` մյուս քաղաքական ուժերի դիրքորոշումը կապիտուլյանտի դիրքորոշումից տարբերվո՞ւմ է. Կարապետ Պողոսյան