Սամվել Կարապետյանի կառուցած այգում ռուսական մամուլն արգելվա՞ծ է

Երեւանի կենտրոնում օրերս խոչընդոտել են քաղաքացիներին անվճար բաժանել Հայաստանում շուրջ 20 տարի հրատարակվող ռուսական «Комсомольская правда в Армении» թերթի հավելվածը: Մասնավորապես՝ Մաշտոց 15/5 հասցեում գտնվող «Սիզընս» ռեստորանային համալիրի հարակից այգում տարածքի անվտանգության աշխատակիցը մոտեցել է թերթերը բաժանողներին եւ նշել, թե սա մասնավոր տարածք է՝ հորդորելով հեռանալ: Երբ հարցրել են՝ իսկ ո՞ւմ պետք է դիմի երեւանցին իր քաղաքում քաղաքացիներին թերթ նվեր անելու համար՝ անվտանգության աշխատակիցը նշել է Տերյան 8 հասցեն, որտեղ տեղակայված է «Երեմյան Փրոջեքթս» ընկերությունը:

Այն, որ մայրաքաղաքի կենտրոնում մասնավորեցված այգի կա, եւ թե ինչպես է այն մասնավորեցվել, առանձին ուսումնասիրության նյութ է: Համենայնդեպս, բաց աղբյուրներից մեզ հաջողվեց պարզել, որ 2021 թվականի մայիսից «Սիզընս» ռեստորանային համալիրն ու կից այգին անցել են «Երեմյան Փրոջեքթս» ընկերության կառավարման ներքո։ Ըստ պաշտոնական տվյալների` «Սիզընս» այգին «Երեմյան Փրոջեքթս» ընկերության նվերն է Երեւանին, երեւանցիներին եւ քաղաքի հյուրերին։ Բայց պարզվում է՝ սա ոչ բոլոր երեւանցիներին է վերաբերում:

Ի դեպ, նկատենք, որ նույն այգում ժամանակին տեղի է ունեցել, հաջակցություն ռուսաստանցի գործարար Սամվել Կարապետյանի առաջին հավաքը, ինչն առնվազն հուշում է Կարապետյանների եւ «Երեմյան Փրոջեքթս»-ի գլխավոր տնօրեն Դավիթ Երեմյանի կապի մասին: Ավելին՝ 2019 թվականի հունիսի 16-ին հենց նույն այգում միասին զբոսնում էին Նիկոլ Փաշինյանն ու Սամվել Կարապետյանը, եւ դեռ այն ժամանակ ասվում էր, որ «Նոր այգու» շինարարության նախաձեռնողը եւ հովանավորը «Տաշիր» բարեգործական հիմնադրամն է։ Եվ, փաստորեն, ի՞նչ է ստացվում, Սամվել Կարապետյանի կառուցած այգում ռուսական մամուլն արգելվա՞ծ է:

Սեփ. լրատվություն

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Բանտերում գտնվող ընդդիմադիր լիդերները դուրս կգան բանտից, իսկ ով արժանի է բանտում լինելու՝ կլինի բանտում. Կարապետյան ԱԳՆ-ն միայն առևտուր ա արել վերջին տարիներին, բայց ապրանքը հայկական հողերն են եղել. Կարապետյան