Մարգարիտա Սիմոնյանի և Տիգրան Քեոսայանի երեխայի մոտ անբուժելի հիվանդություն է հայտնաբերվել

22 Մարտ, 2026 14:21

RT հեռուստաալիքի և «Ռոսիա սեգոդնյա» մեդիախմբի գլխավոր խմբագիր Մարգարիտա Սիմոնյանի և ռեժիսոր Տիգրան Քեոսայանի երեխաներից մեկն անբուժելի հիվանդ է։ Այս մասին Սիմնյանը պատմել է Բորիս Կորչևնիկովին տված հարցազրույցում՝ «Վեստի» ինֆորմացիոն ծառայության համար։

Նա ասել է, որ այդ մասին իմացել է 2024 թվականի դեկտեմբերին, երբ իր ամուսինը նոր էր ընկել կոմայի մեջ։

«Երբ Տիգրանը կոմայի մեջ ընկավ, պարզվեց, որ մեր երեխաներից մեկը ծանր ու անբուժելի հիվանդ է։ Եվ դա հնարավոր չէ բուժել։ Ես չեմ ուզում խոսել այդ մասին։ Պարզապես հասկանալու համար՝ այդպես չի լինում. սիրելիդ ընկնում է կոմայի մեջ, 40 օր անց պարզվում է, որ երեխադ է հիվանդ։ Պարզապես աղետ։ Դա միակ բանն էր, որն այն ժամանակ ինձ «դուրս հանեց» հիվանդանոցից»,- ասել է նա։

Նրա խոսքով՝ երբ Քեոսայանը հայտնվել է կոմայի մեջ, ինքը հոսպիտալացվել է նրա հետ միասին և մտածել է, որ հիվանդանոցում նրա կողքին կլինի միշտ։ Բայց նա ստիպված է եղել իր բոլոր հոգեկան ուժերը լարելով այդ ամենին զուգահեռ շատ աշխատել, որպեսզի հասցնի խնամել կոմայի մեջ գտնվող ամուսնուն և հիվանդ երեխային։

Արդեն սեպտեմբերի 1-ին նա պարզել է, որ իր մոտ քաղցկեղ են հայտնաբերել։

«Երբ ես եկա հետազոտվելու, կարծում էի, թե միջկողային նևրալգիա ունեմ։ Եկել էի Տիգրանի մոտ հիվանդանոց և մտածեցի՝ քանի որ արդեն հիվանդանոցում եմ, միաժամանակ գնամ տեսնեմ՝ ինչ խնդիր կա... Երբ իմացա, սկսեցի հիստերիկ ծիծաղել... այդպես չի լինում։ Ու այս ամենը 9 ամսվա ընթացքում։ Դե, ինչ-որ կերպ ապրում եմ»,- ասել է Սիմոնյանը։

Ուռուցքաբաններն ասել են, որ հիվանդությունը հրահրվել է սթրեսի և այն ապրումների պատճառով, որոնք նա ապրել է անցյալ ձմեռվանից։ Քանի որ դեռ նոյեմբերին, ստուգման ժամանակ, նրա մոտ ոչինչ չկար, իսկ կրծքագեղձի քաղցկեղի գենետիկ հավանականությունը հավասար էր զրոյի։

Հիշեցնենք` Տիգրան Քեոսայանը մահացել է 2025 թվականի սեպտեմբերի 26-ին, 59 տարեկան հասակում։ Նա երկար տարիներ տառապում էր սրտի խնդիրներից, իսկ նույն տարվա հունվարին կլինիկական մահ էր տարել, ինչից հետո ընկել էր կոմայի մեջ և կոմայի մեջ մնացել 9 ամիս։

Այս թեմայով

Ինչ կարող էինք զիջել, արդեն զիջել ենք․ Տիգրան Աբրահամյան

Եթե ինքն իր դեմ փողոց է փակելու, ուրեմն` որպես երկրի ղեկավար, չի վերահսկում իրավիճակը․ Քոչարյան

Զորամասում հայտնաբերվել է զինծառայողի դին՝ հրազենային վնասվածքով. ՊՆ

Հորդառատ անձրևի հետևանքով Երևանում և Կոտայքում ջրալցումներ են եղել․ հեռացվել է մոտ 27 տոննա ջուր

«Ժողովուրդ». Ո՞վ է ընդդիմադիրների վրա հարձակվող Տիգրան Գալստյանը