Մեկ փառատոն՝ չորս մեծ բեմ, մեկ միասնական տոն. մեկնարկում է «Ծաղկունք»-ը

«Կամուրջ» մշակութային կենտրոնը ներկայացնում է հայաստանյան մշակութային տարվա գլխավոր իրադարձություններից մեկը՝ «Ծաղկունք» միջազգային 10-րդ հոբելյանական փառատոնը: Այս տարի փառատոնը կնշվի աննախադեպ մասշտաբներով, դառնալով տարվա ամենասպասված մշակութային իրադարձություններից մեկը: Լինելու է մեկ փառատոն՝ չորս մեծ բեմ, մեկ միասնական տոն։

Փառատոնին հյուրընկալվելու են հայտնի պարային անսամբլներ՝ Ֆրանսիայի Ստրասբուրգ եւ Լիոն քաղաքներից, Անգլիայի Լոնդոն քաղաքից, Հունաստանի Աթենք քաղաքից, Վրաստանի Թբիլիսի քաղաքից, Ռուսաստանի Սոչի քաղաքից եւ, իհարկե, բազմաթիվ պարային անսամբլներ Հայաստանից։

Փառատոնը կկայանա մարտի 28-ին՝ Հակոբ Պարոնյանի անվան երաժշտական կոմեդիայի պետական թատրոնում, ապրիլի 13-ին՝ Ալ. Սպենդարյանի անվան օպերայի եւ բալետի ազգային ակադեմիական թատրոնում, ապրիլի 17-ին՝ Վրաստանի Վասո Աբաշիձեի անվան պետական երաժշտական և դրամատիկական թատրոնում:

Ուշադրոթյուն, չորրորդ հոբելյանական համերգը կանցկացվի հոկտեմբերի 25-ին Մոսկվայի հայտնի MOS PRODUCER համերգասրահում: Բաց մի թողեք այս բացառիկ հնարավորությունը դառնալու մշակութային մեծ իրադարձության մասնակից:

Այս թեմայով Հուսիթները խոցել են Էր-Ռիադի միջազգային օդանավակայանի վառելիքի բազան Իջեւան համայնքի առեղծվածն ու զարգացման գաղտնիքը Սեպտեմբերի 19-ին ի՞նչ «տոն» Խորովածը շատ լավ բան է, երբ ռեստորանում է, ոչ թե Ազնավուրի շուրջ Երևանում կանցկացվի «Անցյալի ապագա» միջազգային էթնո-նորաձևության փառատոնը