Ամբողջական մաքրում. ԱՄՆ-ն կարող է կորցնել նաեւ Իրաքը

Իրաքյան դիմադրությունը վերջնական վճիռ է կայացրել ԱՄՆ ներկայության, հետախուզության դավաճանների և քաղաքական երեսպաշտների վերաբերյալ։ Հաշվի առնելով այն, որ ՆԱՏՕ-ն օրերս կայացրեց Իրաքից ուժերը հանելու որոշում, եւ մի շարք երկրների կոնտինգենտներն արդեն հեռացել են, ներկա պահն ամենահարմարն է դարձել իրաքյան ներքին ուժերի համար` երկրի ամբողջականությունն ու սուվերենությունը վերականգնելու համար: Հաշվի առնելով նաեւ իրանական հարվածները, որոնք Իրաքում նկատելիորեն թուլացրել են նաեւ ամերիկյան ռազմական դիրքերը:

Իրաքի իսլամական դիմադրության անվտանգության ծառայության խոսնակ Աբու Մուջահիդ ալ-Ասաֆի հայտարարությունը հուշում է, որ այդ գործընթացի մեկնարկը տրված է: Ընդ որում, շեշտը դնելով ոչ թե պարզապես արտաքին ուժերը հեռացնելու, ոյլ իրաքյան իշխանական եւ անվտանգային համակարգերը վերականգնելու եւ արտաքին ազդեցություններից հանելու վրա: Ըստ այդմ.

«Ամերիկացի թշնամու կողմից սկսված այս պատերազմը կավարտվի միայն մեր ձեռքերով։ Մենք կթելադրենք մեր պայմանները, նախքան մեր ձեռքերը նրանցից հեռացնելը։ Դրանցից ամենակարևորն այն է, որ ոչ մի օտարերկրյա զինվոր չպետք է մնա Իրաքում՝ հյուսիսից մինչև հարավ։ Ավելին, մենք թույլ չենք տա, որ նրանք մեր հողում ունենան որևէ մահացու զենք կամ հակաօդային պաշտպանության համակարգ։ Նրանց թույլատրվելու է առավելագույնը այն, ինչ թույլատրվում է մասնավոր անվտանգության ընկերություններում իրենց գործընկերներին (որի շրջանակը կորոշվի ավելի ուշ)։ Եթե նրանք հրաժարվեն զենքը վայր դնել, ապա, Աստծո կամքով, մենք կխլենք նրանց կյանքը։

Մենք կրկնում ենք մեր կատեգորիկ հայտարարությունը. ոչ մի նոր կառավարություն ի հայտ չի գա առանց իսլամական դիմադրության հավանության, անկախ նրանից՝ դա ինչ-որ մեկին դուր է գալիս, թե ոչ։ Այս առումով մենք նշում ենք հետևյալը.

Առաջին. «Ամերիկյան չարագործի» դեսպանատանը տրված վերջնագիրը երկարաձգվում է ևս հինգ օրով: Մենք համապատասխանաբար կարձագանքենք թշնամու կողմից թույլ տրված խախտումներին և միջնորդին կտեղեկացնենք այդ խախտումներին արձագանքելու մեխանիզմի մասին, այդ թվում՝ Բեյրութի հարավային արվարձան Դահիյայում տեղի ունեցածի մասին:

Երկրորդ. Մենք իմաստ չենք տեսնում Իրաքի հետախուզական ծառայությանը թիրախավորելու մեջ: Այնուամենայնիվ, դրա ղեկավարը պետք է կրկնապատկի իր ջանքերը՝ վերագնահատելու իր սպաների հավատարմությունն ու հայրենասիրությունը: Մենք տեղեկություններ ունենք, որ նրա քուրդ սպաների 100%-ը կապված է Մոսադի և ամերիկացիների հետ: Դրանց ավելացվում են այլ դավանանքի [սուննի] սպաները, որոնք կազմում են ծառայության անձնակազմի ավելի քան 70%-ը և սերտ աշխատանքային կապեր ունեն ամերիկացի թշնամու, ինչպես նաև Հորդանանի և ԱՄԷ հետախուզական ծառայությունների հետ: Նրանք ամեն ինչ անում են թշնամուն հսկայական ծառայություններ մատուցելու իրենց հայրենակիցների դեմ և ղեկավարվում են Սաադ Վակկաս ալ-Հադիթիի և նրա խմբավորման կողմից:

Ինչ վերաբերում է մնացած շիա սպաներին, նրանց մեծ մասը որևէ իրական ազդեցություն չունի: Խորապես տխրեցնում է, որ ամերիկացի թշնամու կողմից Հաշդ ալ-Շաաբիի մեր եղբայրների վրա կատարված բազմաթիվ հարձակումներ չէին լինի առանց այս դավաճանների հսկողության։

Երրորդ. Մեր ուղերձը քաղաքական դաշինքների որոշակի առաջնորդներին, որոնք դատապարտում են Իրաքի դիմադրության հարձակումները ամերիկացի հանցագործների վրա, որոնք խախտում են Իրաքի ինքնիշխանությունը, ապա իրենց հայտարարությունները ուղեկցում են Հաշդ ալ-Շաաբիի շտաբ-բնակարանին հասցված հարվածների կեղծ դատապարտումներով։ Մենք նրանց ասում ենք. ժողովուրդը լավ գիտի ձեզ, ձեր դավաճանությունը, ձեր կապերը և ձեր ֆինանսավորման աղբյուրները։ Մի փորձեք գերազանցել հայրենիքի ազատ որդիներին։ Անընդունելի է, որ մարմնավաճառը խոսի մաքրության և պատվի մասին։

Չորրորդ. Դիմադրության զենքերը ժողովրդի զենքերն են, Ումմայի պատիվն ու հպարտությունը, և Իմամի ամանաթը (սուրբ պարտականությունը) մոջահեդների պարանոցին։ Մենք թույլ չենք տա, որ «պատիվ» բառի իմաստը չգիտակցող կանացի վախկոտներն ու գործակալները խոսեն այս զենքերի և դրանք կրողների մասին»։

Այս թեմայով Համաշխարհային տնտեսությունն ավելի է զգուշանում ԱՄՆ-ից Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մենք չենք կարող գեղեցկացնել ընտրությունների արդյունքները, դրանք աղետ են. Մերց Ռուսական բանակը կարող է մտնել Զապորոժե այս ձմռանը. Ուկրաինական հրամանատար