ՀՐԱՏԱՊ. Ով է պատասխանատու «Կանազ»-ի հրդեհի համար. անտերությունից մինչեւ հրդեհ

Մարտի 25-ին, ժամը՝ 19։12-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երեւան քաղաքի Ազատության պողոտայում գտնվող «Կանազ» մշակույթի կենտրոնում հրդեհ է բռնկվել։ Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ եւ Հրդեհաշիջման եւ փրկարարական աշխատանքների կազմակերպման բաժնի հերթապահ խումբը։ Հրդեհի բարդությունից ելնելով՝ հայտարարվել է «Թիվ 3 կանչ»:

Հիշեցնենք, որ 1958թ. կառուցված ու հուշարձանի կարգավիճակ ունեցող այս շենքն արդեն տասնամյակներ է, ինչ անտերության է մատնվել: 2017 թվականի հոկտեմբերին Երեւանի ավագանու որոշմամբ՝ ՀՀ ժողովրդական արտիստ Հրանտ Թոխատյանի «Արվեստի այբուբեն» հիմնադրամին էր փոխանցվել «Կանազ» մշակույթի կենտրոնը՝ ո՛չ ավել, ո՛չ պակաս 99 տարով: Իսկ 2024-ի մարտին, Երեւանի ավագանու ՔՊ-ական անդամների որոշմամբ՝ մշակութային այս կոթողը վերադարձվել է քաղաքապետարանին: Այն պետք է հիմնանորոգվեր եւ դառնար իբրեւ Երեւանի երաժշտական ակադեմիա, բայց վերածվեց մոխիրների…

Վերոնշյալի հետ կապված՝ «Իրավունք»-ը փորձեց մեկնաբանություն ստանալ հենց ՀՐԱՆՏ ԹՈԽԱՏՅԱՆԻՑ:

«Ես վաղուց է այդ շենքի հետ որեւիցե կապ չունեմ, հետեւաբար, մեկնաբանություն տալ չեմ կարող»,- ասաց նա:

Այնուհանդերձ, մնում է առեղծված, թե ինչպես է այրվել շենքը, որը այդպես էլ չէր շահագործվում՝ այն էլ այս խոնավ եղանակին: Չէ որ սարսափ ֆիլմ հիշեցնող մեր իրականության մեջ ամեն բան է հնարավոր, նույնիսկ պատմամշակութային շինությունների խիստ տարօրինակ հրդեհում, մարդկանց անհիմն մեղադրանքներ, ձերբակալություններ...

ՆԱՆԱ ՍԱՐԳՍՅԱՆ

Այս թեմայով Երևանում 3 անչափահաս տղաների ծայրահեղ ծանր վիճակում երեկ տեղափոխել են հիվանդանոց ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Ընդդիմությունը պատրաստ չէր հետընտրական զարգացումներին, ինչն անթույլատրելի սխալ էր. Հրանտ Մելիք-Շահնազարյան