Կկատարեմ ստեղծագործություններ, որոնք իրենց մեջ կմիավորեն օպերային եւ փոփ տարրեր. Վարդան Խաչատրյան

«Իրավունք»-ի զրուցակիցը օպերային բարիտոն երգիչ Վարդան Խաչատրյանն է:

—Վարդան, ապրիլի 3-ին սպասվում է Ձեր «Լունա» համերգը։ Ի՞նչ գաղափար է թաքնված այս խորագրի հետեւում։

 — «Լունա»-ն ինձ համար պարզապես անուն չէ։ Դա մթնոլորտ է, զգացողություն, մի քիչ նաեւ երազ։ Այս համերգով ուզում եմ ստեղծել մի աշխարհ, որտեղ երաժշտությունը ավելի մոտ է, ավելի անձնական եւ լսողը կարող է մի պահ կտրվել իրականությունից։

—Ի՞նչ ժանրային ուղղվածություն ունի ծրագիրը։

—Ծրագիրը crossover ոճի է՝ միավորում է օպերային փոփ տարրեր։ Կլինեն ինչպես հայտնի գործեր, այնպես էլ նոր մեկնաբանություններ՝ իմ սեփական զգացողությամբ։ Համերգին կհնչեն`Սելին Դիոնի, Անդրեա Բոչելիի, Ջոշ Գրոբանի, Ալեսանդրո Սաֆինայի, Լարա Ֆաբյանի, Հայկոյի հայտնի եւ սիրելի ստեղծագործությունները, ինչպես նաեւ գեղեցիկ եւ հայտնի երգեր համաշխարհային մյուզիքլներից։ Ամբողջ համերգը կուղեկցվի փոփ-անսամբլի կենդանի նվագակցությամբ։

—Ինչո՞վ է այս համերգը տարբերվում Ձեր նախորդ ելույթներից։

—Քանի որ ես կենտրոնացած եմ Օպերային եւ խիստ դասական ռեպերտուարում, ըստ այդմ իմ բոլոր համերգները դասական ժանրում են եղել։ Այս անգամ փորձել եմ դասական եւ փոփ ժանրերը միաձուլ եմ ու ընտրել համաշխարհային ժամանակակից ռեպերտուարի գոհարները։ Դա պարզապես երգերի շարք չէ, այլ մի ամբողջական էմոցիոնալ ընթացք՝ տրամադրությունների փոփոխությամբ։
Այս համաերգը բոլոր նրանց համար է, ովքեր սիրում են գեղեցիկ երաժշտություն։ Անկախ նրանից՝ լսում են օպերա, թե ոչ: Կարծում եմ, այս համերգը կարող է դառնալ յուրահատուկ փորձառություն։
Ամեն ինչից անկախ խորհուրդս կլինի հետեւյալը՝ բաց մի թողեք հնարավորություն եւս մեկ երեկո անցկացնել երաժշտության մեջ։ Կարծում եմ՝ «ԼՈՒՆԱ»-ն երկար կհիշվի։ Համերգը տեղի կունենա Ապրիլի 3-ին ժամը 20։00 Գաֆէսճեան արվեստի կենտրոնում:

ՆԱՆԱ ՍԱՐԳՍՅԱՆ

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Հայտնի իրավապաշտպանը հրատապ հայտարարությամբ է հանդես եկել Ինչու են ընկել Էդիկ Մինասյանի հետեւից Վարդան Այվազյանի նկատմամբ կիրառվել է կալանք, իսկ Էդիկ Մինասյանի նկատմամբ՝ տնային կալանք Ովքեր են կաշառքի գործով ձերբակալված ամբիոնի վարիչները