ԱՄՆ պատերազմի նախարարը գլուխ է գովում, թե իր բանակն իրանականից վելի ուժեղ է

ԱՄՆ-ն պարծենում է իր ռազմական մեքենայով՝ համեմատելով իրեն Իրանի հետ: Ամեն դեպքում, հենց ԱՄՆ պատերազմի նախարար Փիթ Հեգսեթն է նման համեմատություն կատարողը: Ըստ Պենտագոնի ղեկավարի.

«Մեր պաշտպանական արդյունաբերական բազան այսօր ավելի ուժեղ է, քան Երկրորդ համաշխարհային պատերազմից ի վեր ցանկացած ժամանակ, և այն արագորեն աճում է: Համեմատեք դա Իրանի հետ, որի պաշտպանական արդյունաբերությունը գրեթե ամբողջությամբ ոչնչացվել է...»:

Ոչնչացվել է, թե` ոչ, այլ հարց է: Այստեղ ամբողջ խնդիրն այն է, որ տրիլիոն դոլարանոց բյուջեով ամերիկյան բանակի ղեկավարը լրջորեն փորձում է «իրենն ասել»` համեմատություն դնելով Իրանի հետ: Այն նույն իրանի, որը չունի տրիլիոնանոց բյուջե, 40 տարի ապրում է լիակատար պատժամիջոցների ներքո: Նույն Իրանի, որին Վաշինգտոնը և նրա լիազորված անձինք տասնամյակներ շարունակ ամբարտավանորեն անվանել են «արմատական», «հետամնաց» և «մեկուսացված»:

Այն դեպքում, երբ իրեն համաշխարհային հեգեմոն համարողը ծայրահեղ դեպքում պետք է փորձեր համեմատականներ դնել, ասենք, Չինաստանի հետ, որը նույն տնտեսական «քաշային կարգում» է, կամ Ռուսաստանի, որի միջուկային եւ հրթիռային պոտենցյալը առնվազն համարժեք է: Բայց երբ Պենտագոնի ղեկավարը փորձում է աշխարհին համոզել, թե իր ղեկավարած ռազմական մեքենան ավելի լավն է, քան իրանականը, դա կասկածի տակ է դնում կա՛մ նման ղեկավարի մակարդակը կա՛մ նրա ղեկավարած բանակի:

Այս թեմայով Քուշներ. ԱՄՆ-ն ցանկանում է կազմակերպել Ռուսաստանի և Եվրոպայի միջև ուղիղ անվտանգության բանակցություններ Պենտագոնը պատրաստում է արտակարգ ծրագիր համաշխարհային պատերազմի համար Իրանական աղբյուրները հաստատում են ԱՄՆ-ի կողմից Քեշմ կղզն հասցված հարվածների լուրը Իրանը թիրախավորում է ԱՄՆ-ն. 15,000 կիլոմետր հեռահարության հրթիռներ՞ ԱՄՆ-ն Չինաստանին խնդրել է օգնել՝ Իրանի հետ պատերազմն ավարտել The Washington Post