Սխալվելու իրավունք այլևս չկա․ Մխիթարյանը վերադառնում է ամենավճռորոշ պահին

Միլանի «Ինտերի» հայ կիսապաշտպան Հենրիխ Մխիթարյանը, ամենայն հավանականությամբ, կընդգրկվի թիմի հայտացուցակում «Ռոմայի» դեմ Իտալիայի Ա սերիայի առաջիկա խաղում։ Այս մասին տեղեկանում ենք armposrt.am կայքից։

Ինչպես տեղեկացնում է Corriere dello Sport-ը` հղում անելով FCInter1908-ին, 37-ամյա ֆուտբոլիստը սպասվածից արագ է ապաքինվում ազդրի վնասվածքից։ Նախորդ ամիս «Ատալանտայի» հետ խաղում (1:1) ստացած վնասվածքի պատճառով թիմի գլխավոր մարզիչ Կրիստիան Կիվուն չէր կարողացել օգտվել փորձառու կիսապաշտպանի ծառայություններից «Ֆիորենտինայի» դեմ նախորդ տուրի արտագնա խաղում։

Ֆլորենցիայում «ներաձուրիները» չկարողացան հաղթել վտանգավոր գոտում հայտնված «Ֆիորենտինային», ինչը հնարավորություն տվեց «Միլանին» կրկին միանալ չեմպիոնական մրցավազքին։

Այս պահին «Ինտերը» շարունակում է գլխավորել մրցաշարային աղյուսակը՝ 6 միավորով գերազանցելով երկրորդ տեղում ընթացող «Միլանին»։ Սակայն առաջնության ավարտին մնացել է 8 տուր, և Կիվուի սաներն այլևս սխալվելու իրավունք չունեն. թիմն արդեն երեք խաղ անընդմեջ չի հաղթել Ա սերիայում, ինչը վերջին անգամ գրանցվել էր 2023 թվականին։

Միևնույն ժամանակ, միլանյան ակումբի ճամբարից լավ լուրեր կան նաև հարձակման գծի վերաբերյալ. թիմի առաջատար Լաուտարո Մարտինեսը վերսկսել է լիարժեք մարզումները։ Փետրվարի կեսերից նրա բացակայության պայմաններում «Ինտերը» 4 խաղում ընդամենը մեկ հաղթանակ էր տարել։

Սպասվում է, որ արգենտինացի հարձակվողը կվերադառնա մեկնարկային կազմ և կմասնակցի կիրակնօրյա հանդիպմանը, մինչդեռ Հենրիխ Մխիթարյանը խաղը, ամենայն հավանականությամբ, կսկսի պահեստայինների նստարանին։

Այս թեմայով Մխիթարյանի գնահատականը` միլանյան դերբիում Քաղաքական երեսպաշտությունն ու կեղծավորությունն իսկապես սահմաններ չունեն․ Դանիելյան «Ուժեղ Հայաստանի» գյումրեցի պատգամավորը խնայեց մարզպետին Պարոն Փաշինյան, դուք, որպես հայկական բլոգոսֆեռայի ռահվիրա պետք է հասկանաք, որ ձեզ հագցրել են. Ռուբեն Մխիթարյան Մարտունիում բերման են ենթարկել «Մեր համայնքը» դաշինքի ներկայացուցիչներին, այդ թվում՝ ՀՀԿ խորհրդի անդամ Արամ Կարապետյանին