Ղազախստանը Հայաստանին է հանձնել համակարգչային հափշտակության մեջ մեղադրվող անձին

Ղազախստանը Հայաստանի իրավասու մարմիններին է հանձնել հանցավոր կազմակերպությանը մասնակցելու, դրա կազմում 19 միլիոն դրամ hամակարգչային հափշտակություն կատարելու և փողերի լվացման համար մեղադրվող անձին։ Տեղեկությունը հայտնում է ՀՀ գլխավոր դատախազության մամուլի ծառայությունը։

Նշվում է, որ ՀՀ գլխավոր դատախազությունը միջնորդություն էր ներկայացրել հետախուզվող անձ Ա.Զ.-ին հանձնելու վերաբերյալ, որը Ղազախստանի Հանրապետության գլխավոր դատախազությունը բավարարել է։

Ներքին գործերի նախարարության ոստիկանության աշխատակիցների կողմից ապահովվել է Ա.Զ.-ի տեղափոխումը Երևան:

ՀՀ ՆԳՆ ոստիկանությունը մարտի 31-ին հայտնել էր, որ մարտի 27-ին Ղազախստանի Ալմաթի քաղաքից Հայաստան է տեղափոխվել օտարերկրյա քաղաքացի, 41-ամյա մի տղամարդ, որը 2023 թ․ հոկտեմբերի 9-ից հետախուզվում էր համակարգչային հափշտակության, փողերի լվացման և հանցավոր կազմակերպությանը մասնակցելու մեղադրանքով, խափանման միջոցը՝ կալանք։

Այս թեմայով Ձերբակալվել են Հովիկ Աբրահամյանի նախկին խորհրդականը, սոցապ նախկին նախարարն ու Արման Սահակյանը . ի՞նչ խարդախություն են արել Ա՛յ սենց համարներից զանգում են ինձ, իբր պիտի բիրժայի հետ աշխատեի, բայց շատ գումար կորցրի Ես շտապ դիմել եմ քննիչին, ասել՝ խաբեբան խանութում է, մի ամիս հետո են կանչել հարցաքննության «Փաստ». Կենսաթոշակների հետվճարի համակարգը խարդախություն է ՊԱՇՏՈՆԱԿԱՆ. Ձերբակալվել են ռեկտորը և պրոռեկտորը