Դեն Բիլզերյանն առաջադրվել է ԱՄՆ Կոնգրեսի Ներկայացուցիչների պալատի անդամի թեկնածու

Հայազգի պոկերի խաղացող և սոցիալական մեդիայի հայտնի դեմք Դեն Բիլզերյանը հայտարարել է, որ առաջադրվել է ԱՄՆ Կոնգրեսի Ներկայացուցիչների պալատի անդամի թեկնածու՝ Ֆլորիդայի 6-րդ ընտրատարածքում Հանրապետական կուսակցության ցուցակով:

45-ամյա Բիլզերյանը, որը հայտնի է իր շքեղ կենսակերպով և առցանց մեծ լսարանով, ըստ միջազգային լրատվամիջոցների, վերջին շրջանում փորձում է իր հանրային կերպարը տեղափոխել քաղաքական դաշտ։ Նա հայտարարել է, որ քաղաքականություն մուտք գործելու իր հիմնական նպատակը «երկրին օգնելն» է՝ ընդգծելով, որ Միացյալ Նահանգներին անհրաժեշտ են «անկախ մտածողությամբ մարդիկ», որոնք կկարողանան բարեփոխել համակարգը։

Իր նախընտրական ուղերձներում Բիլզերյանը կոշտ քննադատության է ենթարկել ԱՄՆ արտաքին քաղաքականության որոշ ուղղություններ, մասնավորապես՝ Իրանի շուրջ վարած քաղաքականությունը՝ այն բնութագրելով որպես «լուրջ սխալներով լի»։ Նա նաև քննադատել է գործող կոնգրեսական Ռենդի Ֆայնին՝ վերջինիս արտահայտած իսրայելամետ դիրքորոշման համար։

Բիլզերյանը հայտարարել է, որ, իր կարծիքով, ԱՄՆ-ը պետք է վերանայի իր մոտեցումները Մերձավոր Արևելքում և, մասնավորապես, դադարեցնի Իսրայելին տրամադրվող աջակցությունը՝ պնդելով, որ նման քաղաքականությունը կարող է ԱՄՆ-ին ներգրավել նոր հակամարտությունների մեջ։

Միևնույն ժամանակ, միջազգային վերլուծաբանները նշում են, որ Բիլզերյանի թեկնածությունը դեռ պետք է անցնի նախնական ընտրական գործընթացներ, և նրա քաղաքական փորձի բացակայությունը կարող է դառնալ առանցքային գործոն ընտրապայքարում։

Այս թեմայով Ամերիկյան պատվիրակությունը դեռ ինքնաթիռ չնստած դեն նետեց չինացիներից ստացած ամեն ինչ Սկանդալային համբավ ունեցող «Պոկերի արքան» Դեն Բիլզերյանը առաջադրվում է Ֆլորիդայի 6-րդ ընտրատարածքում՝ Կոնգրեսի ընտրություններում Զելենսկին հանդիպում է ունեցել ԱՄՆ բանակի նախարար Դեն Դրիսկոլի հետ Բոլորին հերթով փչացնում է Նիկոլը, oգտագործում ու դեն շպրտnւմ. Հրանտ Մելիք-Շահնազարյան Մի քաջալերեք շատախոսությունը. Հայտնի փաստաբանի հայտարարությունը