Գալիք խորհրդարանում լինելու է՝ ԴՕԿ դաշինքը և օրենքի դիկտատուրան, մյուս կողմում՝ համակարգի մնացորդները, որոնք տարիներ շարունակ թալանել, խաբել ու նվաստացրել են այս ժողովրդին

Թեեւ ընտրություններին դեռ  1.5 ամսից ժամանակ կա, բայց նախըտրական կրքերը արդեն իսկ բավական թեժ է, ինչը հուշում է, որ բավական թեժ մրցակցության ենք ականատես լինելու։ Ինչպիսի՞  խորհրդարանական կոնֆիգուրացիայի ենք ականտես լինելու գալիք խորհրդարանում «Իրավունքը» խնդրել է մեկնաբանություն ԴՕԿ կուսակցության շտաբի պետ, աղմկահարույց գործերով իրավապաշտպան ԼԵՎՈՆ ԲԱՂԴԱՍԱՐՅԱՆԻՑ.

- Չի լինելու որևէ անորոշություն։ Այս ընտրությունների գլխավոր և վճռորոշ ուժը ԴՕԿ դաշինքն է՝ Վարդան Ղուկասյան-ի առաջնորդությամբ։ Մնացածը՝ կամ ուղեկից են լինելու, կամ քաղաքական դաշտից դուրս մնացողներ։
Մենք չենք մասնակցում ընտրություններին «մասնակցելու համար»։ Մենք գալիս ենք ձևավորելու իշխանություն։ Եվ դա լինելու է այնպիսի իշխանություն, որտեղ այլևս տեղ չի լինելու ոչ նախկինների, ոչ ներկաների համար, քանի դեռ նրանք չեն կրել իրավական և քաղաքական պատասխանատվություն։
Մեր ցուցակը չի կազմվում կուլիսային պայմանավորվածություններով կամ քվոտաներով։ Այն ձևավորվում է մեկ սկզբունքով՝ պետական շահը վեր է ամեն ինչից։ Ով պատրաստ է այդ սկզբունքով աշխատել՝ կլինի այդ թիմում, ով չէ՝ կմնա պատմության աղբանոցում։
Գալիք խորհրդարանը լինելու է կտրուկ բաժանված՝
մեկ կողմում՝ ԴՕԿ դաշինքը և օրենքի դիկտատուրան,
մյուս կողմում՝ համակարգի մնացորդները, որոնք տարիներ շարունակ թալանել, խաբել ու նվաստացրել են այս ժողովրդին։
Եվ այստեղ ոչ մի «միջին տարբերակ» չկա։
Կամ ձևավորվելու է ազգային, պատասխանատու իշխանություն՝ Վարդան Ղուկասյան-ի առաջնորդությամբ,
կամ շարունակվելու է նույն խեղված համակարգը՝ այլ անուններով։
Մենք արդեն հայտարարել ենք՝ այս պայքարը մանդատների համար չէ։ Սա պայքար է պետության վերականգնման համար։
Եվ այդ վերականգնումը լինելու է մեկ ճանապարհով՝ օրենքի դիկտատուրայով։
Ովքեր փորձեն խանգարել կամ կանգնել ժողովրդի ճանապարհին՝ կկանգնեն օրենքի առաջ։ Անխուսափելի։
Արևային Հայաստանը կառուցվելու է։ Հարցը միայն այն է՝ ով է լինելու այդ ճանապարհին, և ով՝ դրա տակ մնացողը։

Այս թեմայով Հայտնի է՝ ով կներկայացնի այս տարի Հայաստանը մանկական Եվրատեսիլում Պատերազմը Ուկրաինայում մոտենում է ավարտին՝ այն շարունակելու ռեսուրսների սպառման պատճառով. Ուկրաինացի տնտեսագետ Լեհ զինվորականները, տեսնելով անօդաչու թռչող սարք, զանգահարել են 911՝ այն խփելու փորձի փոխարեն. Լեհական լրատվամիջոցներ Ucom-ի աջակցությամբ AI տեսախցիկ է տեղադրվել բնության պահպանության համար Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ)