Ինչի մասին է ակնարկում Հյուսիսային Օսիայում «Ջերմուկ»-ի գործի վերաբացումը

Աշոտ Արսենյանը, ի պատասխան հարցադրմանը, թե ինչ է կատարվում «Ջերմուկ Գրուպ» ընկերության շուրջ, նշել է. «Հորդորում եմ խնայել սեփական ջանքերն ու թողնել հայկական ամենահեղինակավոր բրենդի վրա ցեխ շպրտելու խղճուկ փորձերը։ Մշուշոտ ենթադրությունների ետևում պարզ նշմարվում են ոմանց ականջները»։

Հիշեցնենք, ավելի վաղ ռուսական աղբյուրները հանդես եկան տեղեկատվությամբ, որ` «Նոր բացահայտված հանգամանքների պատճառով Հյուսիսային Օսիայի քննչական կոմիտեն վերսկսել է 65-ամյա տղամարդու մահվան գործի քննությունը՝ «Ջերմուկ» հանքային ջրով մեկ բաժակ խմելուց հետո»:

Այն, որ իրականում 2024 թվականի փետրվարին տեղի ունեցած դեպքի քննության վերսկսումն ունի ավելի շուտ քաղաքական տեսք, զգացվում է հենց այդ հրապարակումների առանցքային մտքերից մեկից` «Հարված Հայաստանի վարչապետ Փաշինյանի «դրամապանակներին», որոնք Ռուսաստանից գումար են կլանում»: Ակնարկը, թերեւս, վերաբերում է նրան, որ Արսենյանն ու նրա ՔՊ-ական մարզպետ որդին գործում են նիկոլյան թեւում, բայց նաեւ իրենց «Ջերմուկ»-ի «ընդհանուր արտադրանքի մինչև 60%-ը» վաճառելով Ռուսաստանում:

Ու երբ հայաստանյան ընտրությունների շեմին 2024 թվականի փետրվարի դեպքը վերադառնում է օրակարգ, դա արդեն նման է ոչ թե «հայկական ամենահեղինակավոր բրենդի վրա ցեխ շպրտելու խղճուկ փորձերի» այլ ռուսական ուղղությունից Արսենյանին հղված մեսիջի` կա´մ մտածել Նիկոլի մասին, կա´մ իրենց հիմնական արտադրանքի 60 տոկոսանոց շուկայի:

Այս թեմայով Իրանը քննարկում է Միջուկային զենքի չտարածման մասին համաձայնագրից դուրս գալու հարցը Համ հայտարարում են՝ չունեն Ղարաբաղի մասին որևէ օրակարգ, համ էլ դեմ են, որ հղումը դուրս գա Սահմանադրությունից Գերմանիայի կանցլեր Մերցը հայտարարել է Պուտինի հետ դեկտեմբերին հանդիպման հնարավորության մասին Թրամփը հայտարարեց Վլադիմիր Պուտինի և Սի Ցզինպինի հետ եռակողմ հանդիպման ծրագրերի մասին Թրամփը հայտարարեց Իրանի կամուրջներն ու էլեկտրակայանները ոչնչացնելու ծրագրերի մասին