Գոնե մի նշույլ ամոթ ունեցեք. ՀՀ վաստակավոր արտիստ

«Իրավունք»-ի հետ զրույցում ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ անդրադարձել է ԱԺ պաշտպանության մշտական հանձնաժողովի նախագահ , ՔՊ-ական պատգամավոր Անդրանիկ Քոչարյանի աղմկահարույց հայտարարությանը: Հիշեցնենք, որ վերջինս լրագրողների հետ զրույցում ասել էր, թե իր որդին «բարձրակարգ» է, դրա համար էլ չի ծառայել, իսկ հետո` հանրային լայն արձագանքի պատճառով` ներողություն էր հայտնել եւ փորձել արդարանալ:

- Ութ տարի ավեր եւ մահ բերած ՔՊ-ականներն` իրենց գլխավոր ազգադավ պատուհասի հետ, առանց ամոթի, դեռ շարունակում են բարբաջել, մարդկային գիտակցությունից դուրս տհաս նախադասություններ ասել:

Վերջերս ՔՊ-ականների գլխավոր դերակատարներից մեկը` Անդրանիկ Քոչարյանը, ստոր վիրավորանք հասցրեց մեր խելացի, հայրենասեր հայ երիտասարդներին եւ նրանց ծնողներին, որոնց իրական բարձրակարգ զավակները հանգչում են Եռաբլուրում, որովհետեւ մի հարբեցող խեղկատակի ձեռքով սանձազերծված պատերազմի զոհ դարձան: Իրականում նրանք էին իրական բարձրակարգ հայ զավակները, ովքեր խելացի ու հայրենասեր էին, քանի որ ունեին իրենց սրտում հայրենիք:

Ողջ ժողովուրդը վրդովված է այդ բարբաջած տհաս նախադասությունից, գոնե մի նշույլ ամո՛թ ունեցեք: Այդ երիտասարդներին ժողովուրդը ճանաչում եւ պաշտում է, իսկ ձեզ չի ուզում տեսնել: Հեռացե՛ք:

ՀՐԱՆՏ ՍԱՐԱՖՅԱՆ

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Պետք է Խաչատուր Ալբերտիչի հետ հանդիպեմ․ ինչու են վտարում Մհեր Արմենիային բնակարանից Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Նիկոլն ընդդեմ «Իրավունք»-ի Իմ արյան գնով եմ նկարում այս ֆիլմը. մեկնարկել են Նարեկ Ներսիսյանի «Հպում» սիրային դրամայի նկարահանումները