Երևանի ռուսական դրամատիկական թատրոնի «Յամա»-ն հաջողությամբ ներկայացվել է Սանկտ Պետերբուրգի միջազգային փառատոնում

Երևանի Կոնստանտին Ստանիսլավսկու անվան պետական ռուսական դրամատիկական թատրոնի «Յամա» ներկայացումը մեծ հաջողությամբ ցուցադրվեց Սանկտ Պետերբուրգում կայացած «Բալթյան տուն» թատրոն-փառատոնի շրջանակում։ Ապրիլի 8-ից 12-ը անցկացվեց ԱՊՀ երկրների «Հանդիպումներ Ռուսաստանում» 28-րդ միջազգային թատերական փառատոնը, որի այս տարվա կարգախոսն էր «Տեսեք՝ ով է եկել»։

Փառատոնին մասնակցում էին ավելի քան մեկ տասնյակ երկրներից ժամանած առաջատար թատերական կոլեկտիվներ։ Փառատոնի ծրագրում ընդգրկված էր նաև Երևանի թատրոնի ներկայացումը՝ Ալեքսանդր Կուպրինի «Յամա» վիպակի համանուն դրաման՝ Գոռ Մարգարյանի ռեժիսուրայով։ Ներկայացումը ցուցադրվեց ապրիլի 10-ին և արժանացավ հանդիսատեսի ջերմ ընդունելությանը, բուռն ծափահարություններին ու բարձր գնահատականներին։

Փառատոնը առանձնանում էր իր հարուստ և բազմաբովանդակ ծրագրով, որը ներառում էր ոչ միայն ներկայացումների ցուցադրություններ, այլև պիեսների քննարկումներ, վարպետության դասեր և դասախոսություններ։

«Հանդիպումներ Ռուսաստանում» փառատոնը հանդիսանում է ոչ միայն թատերական ներկայացումների հարթակ, այլև կարևոր միջավայր՝ ոլորտի մասնագետների համախմբման և փորձի փոխանակման համար։ Փառատոնի օրերին տեղի ունեցան ակտիվ քննարկումներ՝ ռեժիսորների, դերասանների և առաջատար թատերագետների մասնակցությամբ։

Այս թեմայով Ռուսական ուժերը կրկին ծանր հրթիռային հարված են հասցրել Կիեւին եւ այլ տարածքների (Տեսանյութ) Ռուսական ուժերը ոչնչացրել են Կրամատորսկի ռազմավարական կամուրջներից մեկը (Տեսանյութ) Ռուսական արբանյակը, հնարավոր է, Ուկրաինային տվյալներ փոխանցող օբյեկտի վրա հարձակման փորձարկումէ արել. Reuters Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Ընդդիմության համախմբումը սատարում ենք, բայց պետք է հասկանանք հաջորդ քայլերը. Նավասարդյան