Օնիկ Գասպարյանը երեւի «մոռացել» է, որ նիկոլյան ԱԺ-ն արդեն ուսումնասիրել է 44-օրյա պատերազմի թեման եւ արդյունքները թաքցրել

ՀՀ ԶՈՒ գլխավոր շտաբի նախկին պետ Օնիկ Գասպարյանը, կապված 44-օրյա պատերազմում, ըստ էության, պետական դավաճանության հասնող հրապարակային մեղադրանքների հետ, այլ պատասխան չգտավ, քան նման արդարացումը. «Իրականությանը չհամապատասխանող լուրեր տարածող անձինք օգտագործում են այն հանգամանքը, որ ես, գերադասելով ազգային եւ պետական շահը, զերծ եմ մնում պատերազմին վերաբերող հարցերին հրապարակային պարզաբանումներ տալուց...»։

Ու որպես լուծում, Գասպարյանն առաջարկում է. «Առաջարկում եմ ԱԺ-ում կազմակերպել փակ ձևաչափով քննարկում 2020 թ. պատերազմի և հետպատերազմական իրադարձությունների վերաբերյալ՝ քննարկմանը ներգրավելով այդ ժամանակ պաշտոնավարած քաղաքական և ռազմական առանցքային պաշտոններ զբաղեցրած անձանց, ինչպես նաև պետական և ծառայողական գաղտնիք պարունակող տվյալներին առնչվելու համապատասխան թույլտվություն ունեցող քաղաքական և հասարակական գործիչներին եւ զոհված ու անհետ կորած զինծառայողների հարազատներին...»։

Նման առաջարկը, իհարկե, ձեռք առնելու պես բան է: Այսինքն, Օնիկ Գասպարյանը երեւի «մոռացել» է, որ նիկոլյան ԱԺ-ն արդեն ուսումնասիրել է 44-օրյա պատերազմի թեման եւ արդյունքները թաքցրել: Երկրորդը, երբ նա թաքնվում է «գերադասելով ազգային եւ պետական շահը, զերծ եմ մնում պատերազմին վերաբերող հարցերին հրապարակային պարզաբանումներ տալուց» արտահայտության տակ, ապա նաեւ պետք է բացատրի հետեւյալը: Իսկ այդ ո՞ր «պետական շահն» է պահանջում գաղտնի պահել այն ամենը, որը ժամանակին բերել է ազգային աղետի եւ որի հետեւանքները զգում ենք մինչ հիմա: Կամ այսպես. իսկ պետական շահի տեսանկյունից ավելի ճիշտ չէ՞ր ժամանակին կամ գոնե հիմա ամեն ինչ հայրության առաջ բացահայտելը` հստակ հիմնավորելով, թե այս-այս պատճառներով կամ անձանց մեղքով ունեցանք նման կորուստներ: Թեկուզեւ այն իմաստով, որ դա կբերի մեղավորներին պատժելու, իսկ հանրության համար` արդարության հասնելու զգացողության, որը էապես կարող է մեղմել ներկայիս ներքին մասնատվածությունը: Իսկ չբացահայտելը, շատ ավելի նման է, որ ոչ թե «պետական շահի», այլ կոնկրետ մեղավորներին պատասխանատվությունից փախցնելու համար է: 

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան