«Նոր գործընկեր» վարկի նկատմամբ պահանջարկը ՎՏԲ-Հայաստան Բանկի հաճախորդների շրջանում շարունակում է աճել

ՎՏԲ-Հայաստան Բանկն արձանագրում է փոքր բիզնեսի համար նախատեսված վարկային պրոդուկտի նկատմամբ պահանջարկի կայուն աճ։ Վարկատեսակն ունի ձևակերպման պարզեցված ընթացակարգ՝ առանց գրավի ապահովման և լրացուցիչ ֆինանսական վերլուծության։ 2025թ. արդյունքներով` դրա մասնաբաժինը տվյալ սեգմենտի ընդհանուր վարկավորման ծավալում հասել է 24%-ի, ինչը վկայում է ձեռնարկատերերի բարձր հետաքրքրության մասին։

«Նոր գործընկեր» վարկային պրոդուկտը հատկապես նպատակահարմար է այն ընկերությունների համար, որոնք արդեն ունեն գործող վարկեր այլ բանկերում․ ֆինանսավորումը տրամադրվում է դրական վարկային պատմության հիման վրա։ Առանց գրավի և լրացուցիչ ֆինանսական վերլուծության՝ ձևակերպման պարզեցված ընթացակարգը հնարավորություն է տալիս ձեռնարկատերերին կարճ ժամանակում ստանալ անհրաժեշտ միջոցներ և արդյունավետ կերպով լուծել բիզնես խնդիրները։

Վարկային միջոցները կարող են ուղղվել ընթացիկ գործունեությանը, գործող պարտավորությունների մարմանը և այլ բիզնես նպատակների, ինչն այն դարձնում է փոքր ձեռնարկատիրության համար ունիվերսալ ֆինանսական գործիք։

«2025թ. արդյունքներով՝ այս պրոդուկտի պորտֆելը ցուցաբերում է դրական դինամիկա՝ նախորդ տարվա համեմատ աճելով 18%-ով։ Նման աճ է գրանցվել նաև հաճախորդների թվի մասով, ինչը վկայում է հաճախորդների բազայի ընդլայնման և շուկայում պրոդուկտի դիրքերի ամրապնդման մասին։ Պրոդուկտի մասնաբաժինը փոքր բիզնեսի վարկավորման ընդհանուր ծավալում հասել է 24%-ի, ինչը հաստատում է դրա բարձր պահանջարկը ձեռնարկատերերի շրջանում։ Միևնույն ժամանակ, վարկի միջին գումարը պահպանվում է կայուն մակարդակում՝ արտացոլելով դրա արդյունավետությունը փոքր բիզնեսի առօրյա խնդիրների լուծման գործում»,- մեկնաբանում է ՎՏԲ-Հայաստան Բանկի Գլխավոր տնօրենի - Տնօրինության նախագահի տեղակալ Եվգենի Մոտովիլովը։  

Վարկը մեծ պահանջարկ ունի մանրածախ առևտրի, արտադրության և ծառայությունների ոլորտներում գործող ընկերությունների շրջանում։ Դա պայմանավորված է բիզնեսի կողմից շրջանառու միջոցների համալրման, ապրանքների ձեռքբերման և կայուն գործունեության ապահովման համար արագ ֆինանսավորման անհրաժեշտությամբ։

«Նոր գործընկեր» վարկի առավելագույն գումարը կազմում է մինչև 5 մլն ՀՀ դրամ։ Վարկը տրամադրվում է առանց գրավի՝ մինչև 48 ամիս ժամկետով՝ տարեկան 18% տոկոսադրույքով (փաստացի տոկոսադրույք՝ 19.56%)։

Վարկի վերաբերյալ մանրամասն տեղեկատվություն կարելի է ստանալ ՎՏԲ-Հայաստան Բանկի պաշտոնական կայքում կամ Բանկի ցանկացած մասնաճյուղում։

Այս թեմայով Յունիբանկի Թեժ հեռախոսակապի կենտրոնն աշխատանքային օրերին գործում է շուրջօրյա Յունիբանկը՝ «Ալաշկերտ» ֆուտբոլային ակումբի տիտղոսային հովանավոր Հայաստանում այսօր շատ շատ փող կա․ ԿԲ նախագահ. Տեսանյութ Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում Մհեր Անանյանն ընդգրկվել է Յունիբանկի Վարչության կազմում