Հանրապետության առանձին շրջաններում սպասվում են տեղումներ

«Հիդրոօդերևութաբանության և մոնիտորինգի կենտրոնի» կանխատեսումներով հանրապետության առանձին շրջաններում ապրիլի 23-ի ցերեկը, 24-27-ն սպասվում է անձրև և ամպրոպ, հնարավոր է նաև կարկուտ: Ապրիլի 24-ի ցերեկն առանձին հատվածներում տեղումները կլինեն ինտենսիվ։ Ապրիլի 25-ին տեղումները լեռնային շրջաններում գիշերը և առավոտյան ժամերին կլինեն թաց ձյան տեսքով։ 

Քամին` հարավարևմտյան` 3-6 մ/վ։ Առանձին շրջաններում սպասվում է քամու ուժգնացում․ ապրիլի 23-ին՝ 18-22 մ/վ, ապրիլի 24-ին՝ 20-24 մ/վ, ամպրոպի ժամանակ՝ 16-19 մ/վ արագությամբ։

Օդի ջերմաստիճանն աստիճանաբար կբարձրանա ապրիլի 22-23-ի ցերեկային ժամերին՝ 4-6 աստիճանով, ապրիլի 23-24-ի գիշերային ժամերին՝ 2-4 աստիճանով։

Երևանում ապրիլի 23-24-ը, 26-27-ի կեսօրից, 25-ի գիշերը սպասվում է անձրև և ամպրոպ, ամպրոպի ժամանակ՝ քամու ուժգնացում՝ մինչև 16-19 մ/վ արագությամբ Ապրիլի 25-ի ցերեկը, 23-24-ի և 26-27-ի գիշերային ժամերին սպասվում է առանց տեղումների եղանակ։ 

Երևան-22.04.png (23 KB)

Երևան քաղաքի ապրիլի 23-ի բազմամյա կլիմայական տվյալներ.

Օդի առավելագույն ջերմաստիճան՝ 30.6°C (2008թ.)

Օդի նվազագույն ջերմաստիճան՝ -4.4°C (1993թ.)

Օդի միջին օրական ջերմաստիճան՝ 13.1°C

Այս թեմայով Հանրապետության առանձին շրջաններում սպասվում է կարճատև անձրև և ամպրոպ Երևանում սեպտեմբերի 15-19-ին սպասվում է առանց տեղումների եղանակ Մոլորակը սեպտեմբերին ջերմաստիճանային նոր ռեկորդի է մոտենում Սեպտեմբերի 15-ին ջերմաստիճանը կհասնի մինչև +35-ի Հանրապետությունում սպասվում է առանց տեղումների եղանակ