Իրանի դեմ պատերազմը գործնականում սպառել է ԱՄՆ ռազմավարական հրթիռային պաշարները. Ամերիկյան վերլուծական կենտրոն

Ամերիկյան CSIS վերլուծական կենտրոնի վերջերս հրապարակված «Վերջին արկե՞րը» վերնագրով զեկույցը բացահայտել է աղետալի վիճակագրություն։ Իրանի դեմ 39-օրյա ինտենսիվ ռազմական ագրեսիան գործնականում սպառել է ԱՄՆ ռազմավարական հրթիռային պաշարները։

Արսենալի վերականգնումը Պենտագոնից կպահանջի հսկայական ռեսուրսներ և գործարանների տարիների շարունակական շահագործում։

Ահա ԱՄՆ պաշարների իրական սպառման թվերը՝ ըստ վերլուծաբանների.

1. ՀՕՊ համակարգեր (AD/MD):

Patriot հրթիռներ (PAC-3)
Սպառում. Պատերազմից առաջ եղած 2330 հրթիռներից արձակվել է 1060-ից 1430 հրթիռ։
Պաշարների լրացման ժամանակը` 3.5-ից 4 տարի (42-48 ամիս)։

THAAD հրթիռներ:
Սպառում. 360 հրթիռներից արձակվել է 190-ից 290–ը։

Պաշարների լրացման ժամանակը` 4.5-ից 5 տարի (մոտավորապես 53 ամիս սպասման ռեժիմ)։

SM-3 և SM-6 նավատորմի հակահրթիռային հրթիռներ:
Սպառում. 1160 SM-6 բազմաֆունկցիոնալ հրթիռներից արձակվել է 190-ից 370-ը:
Պաշարների լրացման ժամանակը` Մինչև 4.5 տարի (մոտավորապես 53 ամիս):

2. Հարվածային և թևավոր հրթիռներ.

Tomahawk թևավոր հրթիռներ (ծովային արձակման համար):
Սպառում. Նախապատերազմյան 3100 հրթիռներից արձակվել է ավելի քան 850–ը:
Պաշարների լրացման ժամանակը` 4 տարի (մոտավորապես 47 ամիս):

JASSM օդ-երկիր հրթիռներ:
Սպառում. Արձակվել է ավելի քան 1000 հրթիռ` ընդհանուր 4000 հրթիռների պաշարի մեկ քառորդը:
Պաշարների լրացման ժամանակը` Առնվազն 4 տարի (48 ամիս):

PrSM բալիստիկ հրթիռներ:
Սպառումը՝ 44%-ից մինչև 77%:
Պաշարների լրացման ժամանակը` մինչև 4 տարի:

Այսպիսով, Իրանի գործողությունները ոչ միայն պաշտպանեցին իրեն, այլև գործնականում զինաթափեցին հեգեմոնի ռազմավարական պաշարները: Ամերիկյան գնահատականներով՝ որոշ տեսակի զենքերի լիարժեք վերականգնումը կարող է տևել մինչև 6 տարի: Այս պահին Վաշինգտոնը պարզապես չունի հրթիռներ` մի քանի ճակատներում կռվելու համար: Եթե վաղը Չինաստանի հետ հակամարտություն սկսվի Թայվանի պատճառով, Ամերիկան ոչնչի հետ չի ունենա կռվելու:

Ի դպ, սա միայն ԱՄՆ–ի օգտագործած զինամթերքն է: Իրենց հրթիռների էական մասը ծախսել են նաեւ ԱՄՆ–ի տարածաշրջանային դաշնակիցները, եւ այդ պաշարների վերականգնումը մոտական տարիներին երեի կմղվի երկրորդ պլան: Կամ էլ ԱՄՆ դաշնակիցները պետք է այլ մատակարարների դիմեն` Ռուսաստանին, Չինաստանին ու այլն:

Այս թեմայով «Ծննդաբերության նպատակով զբոսաշրջության» դեմ պայքարի շրջանակում ԱՄՆ-ն չեղարկել է 6000 վիզա «Հրապարակ»․ Լեւոն Քոչարյանի օգնականը հայց է ներկայացրել ԱԺ աշխատակազմի դեմ ԱՄՆ-ն դրական է գնահատում Զելենսկու հետ գիշերային հանդիպումը Իրանը զգուշացրել է, որ իր ստորգետնյա հրթիռային քաղաքներում պահվում են գաղտնի զենքեր, որոնք դեռևս չեն բացահայտվել Ռումինիան պատրաստ է վճարել ԱՄՆ-ին լրացուցիչ զորքերի տեղակայման համար. Financial Times