Ռուսաստանում փոփոխվել են մաքսային կանոնները․ ինչու են դադարեցվել հայկական ընկերությունների վաճառքները Wildberries-ում․ պարզաբանում

Ներկայիս իրավիճակի հետ կապված, որը պայմանավորված է Ռուսաստանի Դաշնության տարածքում մաքսային ձևակերպման շրջանակում առանձին ապրանքների կատեգորիաների նկատմամբ վերահսկողության լրացուցիչ ընթացակարգերի կիրառմամբ, Wildberries ընկերությունը (ԻՄՎԲԱՄ ՍՊԸ) ներկայացնում է պարզաբանում։ Այս մասին ասված է Wildberries-ի տարածած հաղորդագրության մեջ:

«Ընկերությունը գտնվում է գործընկերների և համապատասխան կառույցների հետ մշտական երկխոսության մեջ և ուշադիր հետևում է իրավիճակի զարգացմանը։

Այս աշխատանքի շրջանակում կազմակերպվել է հանդիպում հայ վաճառողների հետ, որին մասնակցել են ավելի քան 50 ձեռնարկատերեր։ Ընկերության ներկայացուցիչները գործընկերների հետ քննարկել են առաջացող հարցերը, լսել հետադարձ առաջարկությունները և շարունակում են համատեղ մշակել հնարավոր լուծումները։

Նաև նշենք, որ ապրիլի 20-ից Ռուսաստանի Դաշնությունում փոփոխվել են մաքսային ձևակերպման կանոնները։ Նոր պահանջների պահպանման համար վաճառողներից պահանջվել են լրացուցիչ փաստաթղթեր՝ անհրաժեշտ թարմացված ընթացակարգերի շրջանակում։

Միաժամանակ, Ռուսաստանի Դաշնությունում պահեստներում արդեն առկա ապրանքները շարունակում են իրացվել սովորական ռեժիմով, իսկ վաճառողները պահպանում են Հայաստանի ներքին շուկայում գործելու հնարավորությունը։

Բոլոր հարցերը քննարկվում են սահմանված կարգով՝ համապատասխան կողմերի մասնակցությամբ։ Ընկերությունը հույս ունի իրավիճակի փուլային կարգավորման վրա և կտեղեկացնի էական փոփոխությունների մասին դրանց առաջացմանը զուգընթաց»:

Այս թեմայով Ուկրաինական անօդաչուները Դոմոդեդովոյում խոցել են Wildberries-ի խոշոր պահեստներից մեկը (Տեսանյութ) Wildberries-ը երկարաձգել է վաճառողների աջակցությունը մինչև 2027–ի հունվարի վերջը: Ուկրաինական անօդաչուները հարձակվել են Վորոնեժում գտնվող Wildberries խոշոր տերմինալի վրա Չեխովում ուկրաինական անօդաչու թռչող սարքերը հարձակվել են Wildberries-ի պահեստների վրա (Տեսանյութ) Wildberries-ի ամենամեծ պահեստներից մեկը հարձակման է ենթարկվել (Տեսանյութ)