Սա քո սեփական «հայաթը» չի, որ ինչ ուզես անես. Արտակ Արամյան

Երեւանում Եվրոպական քաղաքական համայնքի 8-րդ գագաթնաժողովի մեկնարկը այլեւս մեկնարկված է: Ժամանել են տարբեր Եվրոպական պետությունների լիդերներ: Սակայն ամենից շատ աղմուկ ստացավ Ուկրաինայի նախագահ Վլադիմիր Զելենսկու այցը Հայաստան: Այն անշուշտ միանշանակ չընդունվեց հայ հասարակության եւ անգամ արվեստագետների կողմից: Այս առիթով «Իրավունք»-ը խոսեց գուսան, հեղինակ-կատարող ԱՐՏԱԿ ԱՐԱՄՅԱՆԻ հետ, ով նույնպես անտարբեր չի մնացել այս հարցի շուրջ:

— Պարոն Արամյան, Դուք ոչ մի կերպ չկրողացաք ընդունել Զելենսկու այցը Հայաստան: Ինչո՞ւ:

—Վրացի երգիչ, դերասան Վախթանգ Կիկաբիձեն, մի հարցազրույցի ժամանակ ասել է. «Ես կյանքում Ռուսաստան չեմ գնա, որովհետեւ եթե մի երկրի տանկ կրակում է իմ ազգի վրա, ես այդ երկիր չեմ գնա»: Հիմա անցնեմ Զելենսկուն: Ես չգիտեմ դա ճիշտ էր թե սուտ, որ նրանք զենք են տվել Ադրբեջանին, բայց միայն այն հանգամանքը, որ նա առաջինն է շնորհավորել պատերազմը հաղթելու կապակցությամբ Ադրբեջանին, դա արդեն բավական էր, որ վերջինս իրավունք չունենար Հայաստան ոտք դնելու:

—Ի՞նչ եք կարծում, սա Ռուսաստանը ինչպես կընդունի եւ ինչպե՞ս այդ այցը կանդրադառնա հայ-ռուսական հարաբերությունների վրա:

—Բնականաբար շատ վատ կանդրադառնա: Ես հակիրճ պատասխանեմ. մեր ասօյրվա իշխանականները իրենք չգիտեն, թե իրենք ով են եւ ինչով են զբաղվում: Նրանք իրենց պաշտոնների ծանրությունն ու պատասխանատվությունը չեն գիտակցում ու չեն հասկանում ինչ են անում:
Սա քո սեփական հայաթը չի, որ ինչ ուզես անես: Գույություն ունի դիվանագիտություն, լռելու ունակություն, ծանրութեւթեւ անելու կուլտուրա: Շատ վատ է, որ այդքանը չեն գիտակցում:

—Ուրախ Ավտոբուսը չի զգում դրա վատը, հակառակը՝ ըստ նրանց ամեն բան շատ էլ լավ է՝ սրտիկներ քաղցրաբլիթներ եւ հայաստանի քարտեզով կրծքազարդ...

—Նախ ասեմ, որ «Ուրախ Ավտոբուս» անվանում դնող իշխող ուժը «Ուրախ Ավտոբուս»-ի իմստը չի հասկացել: Դա Ալբերտ Մկրտչյանի նկարած ֆիլմն է երկրաշարժից հետո, որը իրականում տրագեդիա է եւ այնտեղ ուրախություն չկա: Ավելի ճիշտ, գուցե ներկայիս իշխանությունը գիտի ինչ է անում, դրա համար է կոչել «Ուրախ Ավտոբուս»...

—Լավ, անցնենք Ձեր ստեղծագործական կյանքին: Ի՞նչ նորություն ունեք:

—Շատ ակտիվ ստեղծագործական փուլում եմ: Մոտ օրերս նոր երգ կունենամ, որը եւս կունենա տեսահոլոովակ: Երգը իր մեջ ունի խորհուրդ, թե որտեղից եկել եւ ուր ենք գնում , ինչ ենք կորցրել ու ինչ ենք որոնում: Վերնագրել եմ «Բարեկամ»:

ՆԱՆԱ ՍԱՐԳՍՅԱՆ

Այս թեմայով Այս ամենը չէր լինի՝ եթե ՀՀ֊ում պահպանվեին ազգային շահերի վրա հենված ժողովրդավարությունը. Արտակ Զաքարյան ԱՄՆ-ում միջանկյալ ընտրություններում նախագահի կուսակցության պարտությունը պատմական օրինաչափություն է. Արտակ Զաքարյան Զինված հակամարտությունները լուծելու անկարողությունը դառնում է ժամանակակից աշխարհակարգի բնորոշ գծերից մեկը. Արտակ Զաքարյան Ջեյ Դի Վենսի՝ Իրանի ղեկավարությանը հասցեագրված նամակի պատմությունը. Արտակ Զաքարյան Մինչև նոյեմբերի 4-ը կհրապարակվի Կնեսեթի 120 պատգամավորական մանդատների վերջնական բաշխումը. Արտակ Զաքարյան