Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ. Հայտնի իրավապաշտպանը մանկապղծության դեպքի մասին

Հասարակությանը ցնցել է Վեդիում երկու անչափահաս քույրերի նկատմամբ տեղի է ունեցած սեքսուալ բնույթի բռնի գործողությունները։ Ինչ պատժի պետք է արժանան նմա. սահմռկեցուցիչ հանցագործություն կատարող անձիք, եթե ապացուցվի նրանց վերագրվող հանցագործությունը «Իրավունքը» զրուցել է հայտնի իրավապաշտպան, աղմկոտ քրեական գորղերով նախադեպային վճիռների հասած փաստաբան Լեվոն Բաղդասարյանըի հետ.

-Երեխաների նկատմամբ կատարվող սեքսուալ բնույթի բռնի գործողությունները հանդիսանում են առանձնապես ծանր հանցագործություններ, որոնք ուղղված են ոչ միայն անձի ֆիզիկական և հոգեկան անձեռնմխելիության, այլև պետության ու հասարակության հիմքերի դեմ։ Ինչպիսին
Նման հանցագործությունների նկատմամբ պետության ցանկացած մեղմ մոտեցում հավասարազոր է ապագա հանցագործությունների խրախուսման։
Անչափահասի նկատմամբ սեռական բռնությունը չի կարող գնահատվել որպես «կենցաղային դեպք», «ընտանեկան խնդիր» կամ «հոգեկան շեղման հետևանք»։ Սա գիտակցված, այլասերված և հանրորեն վտանգավոր վարքագիծ է, որի նկատմամբ պետք է կիրառվի օրենքի առավելագույն խստությունը։
Ես բազմիցս նշել եմ՝ երեխաների դեմ ուղղված հանցագործությունների դեպքում պետությունը պարտավոր է առաջնորդվել ոչ թե ձևական մարդասիրությամբ, այլ հանրային անվտանգության գերակայությամբ։ Նման հանցագործները պետք է ստանան երկարատև և խիստ ազատազրկում՝ բացառելով պատժից խուսափելու, պայմանական դատապարտման կամ արհեստական մեղմացումների ցանկացած հնարավորություն։

Բարոյական տեսանկյունից մանկապիղծը վտանգ է ոչ միայն մեկ երեխայի, այլ ամբողջ հասարակության համար։ Եթե հասարակությունը սկսում է հանդուրժել կամ հարաբերականացնել նման երևույթները, ապա վաղը վտանգի տակ է հայտնվելու յուրաքանչյուր ընտանիք։
Աստվածաշնչյան իմաստությամբ՝ «վայ նրան, ով ձեռք է բարձրացնում փոքրերի վրա»։
Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ։
Պետությունը պարտավոր է գործել կոշտ, արագ և անզիջում՝ հստակ ուղերձ հղելով, որ երեխաների նկատմամբ ցանկացած ոտնձգություն բերելու է իրավական ամենածանր հետևանքների։

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Արհեստական ​​բանականությունը վտանգավոր է «միջուկային մակարդակում» Նման նշանները վկայո՞ւմ են խոշոր պատերազմի մոտենալու մասին (Տեսանյութ) Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Թրամփը վերջին րոպեին չեղարկեց հուսիթների վրա հարձակումը. The New York Times