Մայիս ամիսը մեր պատմության մեջ եղել ու մնում է մեր փառահեղ հաղթանակների վկան

Մայիս ամիսը մեր պատմության մեջ եղել ու մնում է մեր փառահեղ հաղթանակների վկան:
108 տարի առաջ Սարդարապատի հաղթանակը անջնջելի հետք թողեց մեր ճակատագրի վրա։  Հայը փաստացի փրկվեց թուրքական ցեղասպանությունից, և դրվեց հայկական պետականության վերականգնման հիմքը:

81 տարի առաջ Ֆաշիզմի դեմ տարած հաղթանակում հայերը՝ շարքայինից մինչև մարշալ, անմահացրին իրենց անունները քաջարի մարտիկների անմար փառքով․․․

34 տարի առաջ ազատագրվեց հայկական բերդաքաղաք Շուշին։
Այն ռազմական հնարամտության, ֆանտաստիկ կամքի ու նվիրումի դրսևորում էր։ Շուշիի ազատագրումը պատմություն է, որը ջնջել հնարավոր չէ։

Մենք պատմության փառահեղ էջեր ենք ունեցել։ Պետք է հիշենք, արժևորենք ու երբեք չուրանանք։ Եթե չգնահատեցինք` կկորցնենք: Եթե ուրացանք՝ կխոնարհվենք: 

Ուզում եմ հիշել Նժդեհի խոսքերը. Իմ հոգին զույգ հենարան ունի՝ Աստված և Հայրենիք։ Նա, ով ընդունում է Աստծու գոյությունը, ընդունում է նաև իր պարտականությունը հանդեպ գերագույն իրականության՝ Ազգ, Հայրենիք, Պետություն։ 

Շնորհավորում եմ մայիսյան մեր հաղթանակների առթիվ, բոլորիս մաղթում եմ անկոտրում կամք, պայքարի համառություն ու շարունակական հաղթանակներ։

Հ․Գ․Պատերազմը բարու և չարի միջև շարունակվում է։ Աշխարհի արարումից հետո այն երբեք չի դադարել։ Բայց Աստծո ստեղծած երկրում անհնար է խավարի հաղթանակը։
Եղիցի լույս․․

Այս թեմայով Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին. Սիմոնյան Լրագրողնե՛ր, պատրաստվե՛ք, Ձեր գրած հոդվածները շուտով կարող են դառնալ եկամտի աղբյուր «Հայաստանը պետք է Ռուսաստան-Բելառուս միութենական պետության կազմում լինի» գաղափարի թշնամին եմ Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը