Խորհրդային Հայաստանի տարածքներն ամբողջությամբ պատկանում են Հայաստանին. սահմանազատման արդյունքում մենք այդ հարցն ամբողջությամբ լուծելու ենք. Փաշինյան

Հիշում եք՝ ինչ իրադարձություններ եղան, ինչ լարվածություն էր Ջերմուկում 2022 թվականին, բիզնեսը գրեթե զրոյացվեց, բայց մենք կարողացանք դա հաղթահարել: Այս մասին այսօր նախընտրական քարոզչության ժամանակ Ջերմուկում բնակիչների հետ հանդիպմանն ասաց ՔՊ-ի վարչապետի թեկնածու Նիկոլ Փաշինյանը՝ խոսելով 2022 թ. Ադրբեջանի հարձակման և Ջերմուկի պատերազմի մասին, որի հետևանքով հայկական կողմն ունեցավ հարյուրավոր զոհեր և օկուպացված տարածքներ:

Փաշինյանն անդրադարձավ նաև Հայաստանի և Ադրբեջանի միջև սահմանազատման ու սահմանագծման գործընթացի մասին:

«Մենք սահմանզատման արդյունքներով մեր երկրի բոլոր ինքնիշխան տարածքի հարցը ամբողջական լուծելու ենք: էդ հարցը դե յուրե լուծված ա, դե ֆակտո՝ գործնական սահմանազատման, սահմանագծման արդյունքում կլուծվի:

Խորհրդային Հայաստանի տարածքներն ամբողջությամբ պատկանում են Հայաստանին. սահմանազատման արդյունքում մենք էդ հարցը ամբողջությամբ լուծելու ենք, նույնը հայելային Ադրբեջանի դեպքում, այսինքն՝ գիծը պետք է անցնի այնպես, ինչպես Խորհրդային Միության ժամանակ ա էդ գիծն անցել»,-նշեց վարչապետը:

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Անկախության օրը՝ ախմախ անակնկալներով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան