ՌԴ ԱԳՆ. Ռուսաստանի առաջարկը ԱԷԿ-ի վերաբերյալ կարող է բավարարել Հայաստանի կարիքները «մեկ դարով»

Ռուսական կողմը Հայաստանին առաջարկել է մեծ հզորության ԱԷԿ-ի նախագիծ, որը կարող է բավարարել հանրապետության կարիքները «մեկ դարով»։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Ռոսատոմ» պետական կորպորացիան Հայաստանին առաջարկել էր մեծ հզորության կայանի նախագիծ, որը՝ եթե դա լինի հայկական ղեկավարության կամքով, կբավարարեր երկրի էներգետիկ կարիքները տասնամյակներով, իսկ գուցե՝ դարերով։ Միևնույն ժամանակ, այն վերջնական սպառողի համար կապահովեր էլեկտրաէներգիայի մատչելի սակագներ, ինչը, ի թիվս այլնի, զգալիորեն կխթաներ երկրի արդյունաբերության աճը», — ընդգծել է դիվանագետը։

Նա ուշադրություն է հրավիրել այն փաստի վրա, որ Ռուսաստանը միջուկային տեխնոլոգիաների գլոբալ առաջատարն է և միշտ կարող է Հայաստանին փոխանցել իր մշակումներն ու փորձը հանրապետության համար այդքան կարևոր ոլորտում, ինչպիսին է էներգետիկան։ Միևնույն ժամանակ, ռուսական կողմը պատրաստ է կիսել նաև թվայնացման ոլորտի իր տեխնոլոգիաները։ «Այսօր մեր երկիրը աշխարհի երեք պետություններից մեկն է, որն ունի ամենաառաջադեմ լուծումները», — նշել է Կալուգինը։ Նրա խոսքով՝ օտարերկրացիները նշում են Ռուսաստանում զարգացած ինտերնետ-բանկինգը, ինչպես նաև «պետական ծառայությունների և առողջապահության թվայնացման մեջ ձեռքբերումները»։

«Եվ սա միայն այն օրինակներից մի քանիսն է, որոնք ներառում է «ռուսական առաջարկը», — ասել է ՌԴ ԱԳՆ դեպարտամենտի տնօրենը։

Խոսելով երկկողմ հարաբերությունների ապագայի մասին՝ նա հավելել է, որ Մոսկվան նպատակ ունի Երևան հետ իրականացնել համատեղ, փոխադարձաբար հարստացնող համագործակցություն։

«Հենց այդպիսի մոդել է ամրագրված մեր երկրների համար ընդհանուր ինտեգրացիոն միավորումներում՝ ԵԱՏՄ-ում, ԱՊՀ-ում, ՀԱՊԿ-ում։ Միշտ փոխգործակցել ենք Հայաստանի հետ հավասար հիմունքներով, երբեք չենք պարտադրել մշակութային կոդը և չենք պահանջել հրաժարվել ինքնությունից, պատմության տեսանկյունից կարևոր խորհրդանիշներից։ Գնահատում և հարգում ենք հայկական սփյուռքի կապը իր «փոքր հայրենիքի» հետ», — եզրափակել է Կալուգինը։

Այս թեմայով Թող Ադրբեջանը հայկական ԱԷԿ-ի վիճակով Հայաստանից շատ չմտահոգվի․ կայանի գլխավոր տնօրեն Ռուսաստանը կարող է հարվածել Ուկրաինայի և ՆԱՏՕ-ական ատոմակայաններին՝ ի պատասխան Զապորոժեի ԱԷԿ-ի վրա հարձակման. Մեդվեդևը ՀՀ–ն որոշել է կրկին երկարաձգել ՀՀ ԱԷԿ շահագործման ժամկետը՝ մինչև 2036 թվականը.Փաշինյան ՌԴ-ն Բելառուսում նոր ԱԷԿ-ը կկառուցի. Լուկաշենկո Ֆրանսիայում մեկ ամսվա մեջ երկրորդ անգամ մեդուզաները կաթվածահար են արել ԱԷԿ-ի աշխատանքը