«Հրապարակ»․ Ինչ կտա Հայաստանին Թուրքիայի որոշումը

«Հրապարակ» թերթը գրում է. «2022 թվականից շարունակվող հարաբերությունների կարգավորման գործընթացի շրջանակներում Թուրքիայի եւ Հայաստանի միջեւ ուղիղ առեւտրի մեկնարկի բյուրոկրատական նախապատրաստական աշխատանքներն ավարտվել են՝ երեկ հայտարարեց Թուրքիայի արտաքին գործերի նախարարությունը։

Հիշեցնենք․ նախօրեին Երեւանի Շենգավիթ շրջանում քարոզարշավի ժամանակ ԱԳ նախարար Արարատ Միրզոյանը Նիկոլ Փաշինյանի ականջին շշնջում էր, թե` «վելքոմ» ասենք. «Թուրքերն այսօր բացում են, ողջունող տեքստ պատրաստենք»։ Եվ երեկ ՀՀ ԱԳՆ-ն տարածեց ողջույնի տեքստը՝ նշելով, թե այս որոշումը Հայաստանի եւ Թուրքիայի հարաբերությունների կարգավորման գործընթացի հերթական արդյունքն է։ Իսկ ի՞նչ կտա այդ որոշումը Հայաստանին։

Նախկինում Հայաստանը Թուրքիայի` ապրանքներ արտահանող կամ ներկրող երկրների ցանկում ներառված չի եղել, ուստի ապրանքները վերաարտահանել են Հայաստան, իսկ հիմա փոխվում է այդ հանգամանքը, եւ, ըստ մեր զրուցակից տնտեսվարողի, Թուրքիայից Հայաստան ապրանքների ներկրումը փոքր-ինչ կէժանանա, կշահեն ներկրողները: Փոխարենը կտուժի տեղական արտադրողը։ Բայց այս չնչին հանգամանքը գործող իշխանությունները որպես աննախադեպ ձեռքբերում են ներկայացնում։

Առավել մանրամասն թերթի այսօրվա համարում

Այս թեմայով Աստղագուշակ կենդանակերպի բոլոր նշանների համար. ինչ է սպասվում նոյեմբերի 14-ին Ինչ էր Փաշինյանը «մոռացել» Դուբլինում The New York Times. ԱՄՆ-ն հսկայական ճնշում է գործադրում Թուրքիայի և Իրաքի վրա՝ Իրանի սահմանը փակելու համար «Հրապարակ». Իշխող թիմում կարծում են, որ ամեն ինչ պետք է անել, որ ընդդիմությունը կողմ քվեարկի սահմանադրության Հայաստանին զրկեցին ՀԱՊԿ-ում ձայնի իրավունքից