Հայաստանը բազմաթիվ թելերով կապված է Ռուսաստանի հետ, իսկ սա Փաշինյանը շատ լավ է հասկանում. Քաղաքագետ

Պետդումայի խոսնակ Վյաչեսլավ Վոլոդինը հայտարարել է, որ Հայաստանի դուրս գալը Եվրասիական տնտեսական միությունից կարող է երկրին արժենալ առնվազն 5 միլիարդ դոլար, որը համարժեք է ՀՆԱ-ի 15-20%-ին: Քաղաքագետ Արմեն Վարդանյանը եւս անդրադառնալով ՌԴ-ի հետ ՀՀ ապահարզանի հետեւանքներին նկատում է.

- Առնվազն անադեկվատ պետք է լինես, որ մտածես, թե Հայաստանը կարող է Ռուսաստանի հետ ուղիղ հակամարտության մեջ մտնել, դա կործանարար է լինելու, ու բոլորն են դա հասկանում: Փաշինյանը շատ լավ գիտի Ռուսաստանից եկող վտանգների մասին ու գիտի, որ Ռուսաստանը շատ լուրջ վտանգներ կարող է հասցնել Հայաստանին ու փորձում է մեղմել դրանք։ Մյուս կողմից էլ՝ 2020-2023 թվականներին Հայաստանի ու Արցախի հետ կապված դեպքերից հետո Հայաստանը փորձում է փոխել իր արտաքին քաղաքականության պարադիգմը, արտաքին քաղաքականությունը տրանսֆորմացիայի է ենթարկում, ու այս փուլում գնում են Ռուսաստանից կախվածությունն աստիճանաբար թուլացնելու: Իշխանությունը շատ լավ հասկանում է, որ ԵՄ-ին անդամակցելու համար Հայաստանը շատ երկար ճանապարհ պետք է անցնի, առնվազն տասը տարի է հարկավոր, եթե չլինի քաղաքական որոշում: 

Եթե հիմա հայտարարի, որ գնում ենք ԵՄ, դա մեզ համար խնդիրներ է առաջացնելու այն առումով, որ Հայաստանի նախկին իշխանությունները, Նիկոլ Փաշինյանն էլ ինչ-որ առումով, երկար ժամանակ ռազմավարական մտածելակերպ չեն ցուցաբերել ու չեն մտածել Ռուսաստանից տնտեսական կախվածությունը թուլացնելու մասին: 

Ուստի ստեղծվել է այնպիսի իրավիճակ, որ Հայաստանը բազմաթիվ թելերով կապված է Ռուսաստանի հետ, իսկ սա Փաշինյանը շատ լավ է հասկանում, ու եթե հիմա հայտարարի ԵՄ-ին անդամակցելու մասին, հետևանքները շատ ծանր են լինելու տնտեսական առումով: Դրա համար էլ առայժմ չի գնում այդ քայլին, փորձում է դիվերսիֆիկացնել տնտեսությունը, մտածել այլընտրանքներ ստեղծելու մասին, հետո միայն, երբ Հայաստան-ԵՄ հարաբերությունները արդեն ավելի շատ կխորանան, ու կգա որոշում կայացնելու պահը, Փաշինյանը կհայտարարի, որ դուրս է գալիս ԵԱՏՄ-ից: 

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Գերմանիայում ակտիվորեն քննարկվում է Մերցի հրաժարականի հարցը. Կանցլերը փորձում է դիմադրել