Տեղի ունեցավ ՍԻՄ կուսակցության երիտասարդական թեվի ակտիվի հավաքը

Մայիսի 17-ին տեղի ունեցավ ՍԻՄ կուսակցության երիտասարդական թեւի ակտիվի հավաքը, որը նվիրված էր երիտասարդական խնդիրներին եւ երիտասարդության՝ ՀՀ ԱԺ ընտրություններին մասնակցությանը։

Բացման խոսքում ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ նշեց, որ մոտակա ընտրություններն առաջին հերթին կանխորոշելու են երիտասարդության ապագան, արդյոք ինչպիսի երկրում են ապրելու մեր երիտասարդները։ Նիկոլի իշխանության պահպանման դեպքում Հայաստանը դառնալու է Թուրքիայի եւ Ադրբեջանի վիլայեթ՝ «Արեւմտյան Ադրբեջան», ինչի մասին Ալիեւն անթաքույց պահանջ է ներկայացնում Նիկոլ Փաշինյանին։ Տնտեսապես Հայաստանը հայտնվելու է սարսափելի վիճակում։

ԵԱՏՄ-ից դուրս գալով` Հայաստանի տնտեսությունը գահավիժելու է, Էլեկտրաէներգիան եւ գազը քառակի թանկանալու են, իսկ ՀՀ արտաքին պարտքը, որը ընկնելու է երիտասարդների ուսին, շարունակելու է երկրաչափական պրոգրեսիայով աճել։ Հայաստանը լինելու է լիովին անպաշտպան, ինչը բերելու է նոր պատերազմների, քանի որ կտրվելու է վերջնականապես իր միակ դաշնակից ՌԴ-ից, իսկ որեւէ այլ` անվտանգությունն ապահովող դաշնակից այդպես էլ ի հայտ չի գալու, եւ դա նույնպես ընկնելու է երիտասարդության ապագա ճակատագրի վրա՝ որպես ծանր բեռ։

Հանդիպմանը ելույթ ունեցած երիտասարդները ներկայացրին իրենց մտավախությունները եւ խնդիրները։ Քննարկումների արդյունքում որոշվեց ակտիվացնել հայ երիտասարդությանը` ընտրություններին մասնակցելու եւ ընտրելու այն ընդդիմադիր կուսակցություններին, որոնք զարգացնելու են հարաբերությունները ՌԴ-ի հետ, ի վիճակի կլինեն ապահովել Հայաստանի Հանրապետության անվտանգությունը եւ տնտեսական զարգացումը։

ՍԻՄ լրատվական

Այս թեմայով Տեղի ունեցավ ՍԻՄ կուսակցության 29-րդ համաժողովը ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան ՍԻՄ կուսակցության Նախագահության նիստ Սա պատերազմ է հայ հավատացյալ ժողովրդի դեմ․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան