Իրանը հայտնել է ԱՄՆ-ի հետ բանակցությունները շարունակելու մասին

Պաշտոնական Թեհրանը պնդում է, որ բանակցությունները Իրանի և Միացյալ Նահանգների միջև շարունակվում են։ Ինչպես հաղորդում է «Արմենպրես»-ը, մայիսի 18-ին լրագրողների հետ ճեպազրույցի ժամանակ Իրանի ԱԳՆ խոսնակ Էսմայիլ Բաղային հայտարարել է, որ երկու երկրներն էլ շարունակում են Պակիստանի միջոցով կարգավորման իրանական ծրագրի վերաբերյալ մեկնաբանություններ և առաջարկներ փոխանակել։

«Նախորդ շաբաթ, չնայած այն հանգամանքին, որ ամերիկյան կողմը հրապարակայնորեն անընդունելի որակեց իրանական ծրագիրը, մենք պակիստանցի միջնորդի միջոցով ստացանք մի շարք մեկնաբանություններ և առաջարկներ։

Մեր մեկնաբանություններն ամերիկյան կողմին ուղարկելու անմիջապես հաջորդ օրը մենք Պակիստանից ստացանք առաջարկների փաթեթ, որի վերաբերյալ մեր տեսակետներն ուղարկել ենք երկու օր առաջ», – Tasnim գործակալության հաղորդմամբ, ասել է Բաղային։Նրա գնահատմամբ՝ բանակցային գործընթացն անխափան շարունակվում է։

ԱԳՆ խոսնակը հիշեցրել է, որ Իրանի կողմից ուրանը հարստացնելու իրավունքը ճանաչվել է Միջուկային զենքի չտարածման մասին պայմանագրի հիման վրա, և անհրաժեշտություն չկա, որ որևէ մեկը ևս դա ճանաչի։ «Մենք ամեն քայլափոխի առաջ ենք մղելու մեր երկրի սկզբունքային դիրքորոշումները»,- ասել է Բաղային։

Այս թեմայով Կայա Կալլասը բացահայտորեն փորձում է ձախողել Մոսկվայի հետ բանակցությունները «Ծննդաբերության նպատակով զբոսաշրջության» դեմ պայքարի շրջանակում ԱՄՆ-ն չեղարկել է 6000 վիզա Իրանը քննարկում է Միջուկային զենքի չտարածման մասին համաձայնագրից դուրս գալու հարցը Զելենսկի. Աբու Դաբիում բանակցությունները առաջընթաց են ապահովել և պատերազմի ավարտի հույս են ներշնչել Մակրոնը ցանկանում է Ռուսաստանի հետ երկխոսության մեջ դառնալ Եվրոպայի բանակցողը