Իրանը համաձայն է իր հարստացված ուրանը փոխանցել Ռուսաստանին, այլ ոչ թե ԱՄՆ–ին. Al Hadath

Իրանը համաձայն է իր հարստացված ուրանը փոխանցել Ռուսաստանին, այլ ոչ թե Միացյալ Նահանգներին, հաղորդում է «Al Hadath» հեռուստաընկերությունը՝ հղում անելով Իրանից արտահոսած տեղեկատվությանը։ Ըստ այդմ, ԱՄՆ–ի հետ բանակցությւոններում Իրանն այս պահին ունի հետեւյալ դիրքորոշումը.

Միջուկային ծրագիրը և Հորմուզի նեղուցի շուրջ ստեղծված իրավիճակը պետք է դիտարկվեն առանձին։ Իսլամական Հանրապետությունը ձգտում է իր միջուկային ծրագրի երկարաժամկետ սառեցման, այլ ոչ թե դրա լիակատար ապամոնտաժման։

Իրանը պնդում է բազմափուլ, երկարաժամկետ հրադադարի վրա։ Վերջնական համաձայնագրի քաղաքական ձևակերպումը պետք է պահպանի երկրի «անվանական արժեքը» միջազգային ասպարեզում։

Իրանը պատրաստ է հրաժարվել Միացյալ Նահանգների դեմ հակամարտության ընթացքում պատճառված վնասների համար իր պահանջներից, բայց դրա դիմաց պահանջում է զգալի տնտեսական օգուտներ, մասնավորապես՝ Թեհրանի դեմ նավթային պատժամիջոցներից ազատում։

Թեհրանը պնդում է, որ Պակիստանը և Օմանը կարևոր դեր են խաղում նեղուցի աստիճանական և անվտանգ վերաբացման գործում։

Այս թեմայով «Ծննդաբերության նպատակով զբոսաշրջության» դեմ պայքարի շրջանակում ԱՄՆ-ն չեղարկել է 6000 վիզա Իրանը քննարկում է Միջուկային զենքի չտարածման մասին համաձայնագրից դուրս գալու հարցը ԱՄՆ-ն դրական է գնահատում Զելենսկու հետ գիշերային հանդիպումը Իրանը զգուշացրել է, որ իր ստորգետնյա հրթիռային քաղաքներում պահվում են գաղտնի զենքեր, որոնք դեռևս չեն բացահայտվել Ռումինիան պատրաստ է վճարել ԱՄՆ-ին լրացուցիչ զորքերի տեղակայման համար. Financial Times