Politico. ԱՄՆ-ն պատրաստվում է ռազմական հարված Կուբային

Դոնալդ Թրամփի վարչակազմը, չկարողանալով կոտրել Հավանային տնտեսական շրջափակմամբ, լրջորեն քննարկում է ռազմական տարբերակը: Politico-ի համաձայն՝ Սպիտակ տանը տրամադրությունը փոխվել է. Կուբան ապացուցել է, որ «ավելի դիմացկուն է, քան սպասվում էր»: Պենտագոնն այժմ ուսումնասիրում է տարբերակներ՝ սկսած առանձին ավիահարվածից մինչև ցամաքային միջամտություն՝ ռեժիմի փոփոխությամբ։

«Տրամադրությունը անկասկած փոխվել է: Սկզբնական գաղափարն այն էր, որ Կուբայի ղեկավարությունը թույլ է, և պատժամիջոցների, նավթային շրջափակման և ԱՄՆ ռազմական հաջողությունների համադրությունը Վենեսուելայում և Իրանում կվախեցնի կուբացիներին՝ ստիպելով նրանց գործարք կնքել: Սակայն Իրանը փոխել է տրամադրությունները նաեւ Կուբայում, և կուբացիները ապացուցել են, որ շատ ավելի դիմացկուն են, քան սպասվում էր», - հաղորդում է հրատարակությունը՝ հղում անելով աղբյուրին:

Politico-ի համաձայն՝ ԱՄՆ Հարավային հրամանատարությունն արդեն անցկացրել է «պլանավորման վարժանք» և սկսել է մշակել կոնկրետ ռազմական ծրագրեր: Տարբերակները տատանվում են կղզուն վախեցնելու նպատակային հարվածից մինչև լիարժեք օկուպացիա:

Կուբայի առաջնորդ Միգել Դիաս-Կանելն արդեն զգուշացրել է հետևանքների մասին։

«ԱՄՆ ռազմական ագրեսիան Կուբայի դեմ կհանգեցնի անկանխատեսելի հետևանքներով արյունահեղության», - գրել է նա X-ում։

Ինչպես նշում է Politico-ն, Վաշինգտոնի համար հիմնական խնդիրն այն է, որ Կուբայի ղեկավարությունը «ապրում է այլ իրականության մեջ և չի հետաքրքրվում կուբացի ժողովրդով»։ Սակայն հենց այս «անճկունությունն» է խափանում ԱՄՆ ծրագրերը։
Հրապարակման աղբյուրները նաև հաստատել են, որ Կուբան օգնություն է խնդրել Ռուսաստանից, և Մոսկվան արդեն մեկ տանկեր վառելիք է ուղարկել։

Այս թեմայով «Ծննդաբերության նպատակով զբոսաշրջության» դեմ պայքարի շրջանակում ԱՄՆ-ն չեղարկել է 6000 վիզա Դեմոկրատները մտադիր են վերանայել Թրամփի 1.5 տրիլիոն դոլարի ռազմական ծրագիրը. Wall Street Journal ԱՄՆ-ն դրական է գնահատում Զելենսկու հետ գիշերային հանդիպումը Եվրոպան ընտրում է, թե ով կբանակցի Մոսկվայի հետ. Politico Ռումինիան պատրաստ է վճարել ԱՄՆ-ին լրացուցիչ զորքերի տեղակայման համար. Financial Times