Հորմուզի նեղուցը պետք է բացվի․ հեռախոսազրույց են ունեցել Եվրահանձնաժողովի նախագահը և Էրդողանը

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Եվրահանձնաժողովի նախագահ Ուրսուլա ֆոն դեր Լայենի հետ։ Կողմերը քննարկել են Թուրքիա-Եվրամիություն (ԵՄ) հարաբերություններն ու անդրադարձել տարածաշրջանային ու գլոբալ հարցերի։ Էրդողանը հայտնել է, որ Թուրքիան ջանք է գործադրում հրադադարի պահպանման ու խաղաղության հաստատման համար, հայտնում է Ermenihaber.am-ը։

Անդրադառնալով Հորմուզի նեղուցում տիրող իրավիճակին՝ Թուրքիայի նախագահը նշել է, որ այն պետք է շուտափույթ բացվի։ Էրդողանը հեռախոսազրույցի ընթացքում անդրադարձել է տնտեսական ինտեգրման բարելավմանն առնչվող հարցերին ու նշել է, որ լարվածությունը տարածաշրջանում ևս մեկ անգամ ընդգծում է Թուրքիայի ու ԵՄ-ի միջև հարաբերությունների ռազմավարական կարևորությունը։

Ըստ նրա՝ Թուրքիայի մասնակցությունը Եվրոպայի անվտանգության ռազմավարություններին վերաբերող նախաձեռնություններին կլինի օգտակար։Էրդողանը, խոսելով Մաքսային միության վերաբերյալ, նշել է, որ այն կարիք ունի թարմացման, և կարևոր է բարելավել համագործակցությունը բոլոր ոլորտներում։

Այս թեմայով Նեղուցը շրջափակելով՝ Իսլամական Հանրապետությունը միաժամանակ վատթարացնում է նաև սեփական վիճակը «Հորմուզի նեղուցի պահապանը միշտ եղել է Իրանը». Արաղչին արձագանքել է Թրամփի հայտարարությանը ԱՄՆ-ն վերականգնել է Իրանի դեմ նավթային պատժամիջոցները Իսպանիան մտադիր չէ մասնակցել Հորմուզի նեղուցում ռազմական գործողությունների ԵՄ-ն հայտարարել է Հորմուզի նեղուցում ռազմածովային առաքելության ընդլայնման հնարավորության մասին