Թրամփի թիմում ներքին հակասությունները հասնում են գագաթնակետին

Սպիտակ տունը ստիպել է ԱՄՆ Ազգային հետախուզության տնօրեն Թուլսի Գաբարդին հրաժարական տալ, հաղորդում է Reuters-ը՝ հղում անելով իր աղբյուրին։

Գաբարդը X սոցիալական ցանցում հայտարարել է, որ լքում է կառավարական ծառայությունը՝ ամուսնու հետ լինելու համար, որի մոտ ախտորոշվել էր ոսկրային քաղցկեղի հազվագյուտ տեսակ։ Նա նաև շնորհակալություն է հայտնել Դոնալդ Թրամփին վստահության համար։

Այնուամենայնիվ, Reuters-ը նշում է, որ Թրամփն ու Գաբարդը նախկինում տարաձայնություններ են ունեցել Իրանի հարցում։ Մարտին ԱՄՆ նախագահը հայտարարել է, որ հետախուզության ղեկավարը «ավելի մեղմ» դիրքորոշում է ընդունում Թեհրանի միջուկային ծրագիրը զսպելու հարցում։

ԿՀՎ-ի վետերան Աարոն Լուկասը կդառնա Ազգային հետախուզության տնօրենի ժամանակավոր պաշտոնակատար։

Ի դեպ, Գաբարդը համարվում էր Թրամփի ամենամերձավոր կողմնակիցներից մեկը: Այս պաշտոնանկությունը եկավ եւս մեկ անգամ հուշելու, թե Թրամփի թիմում ինչ աստիճանի են խորացել ներքին հակասությունները:

Այս թեմայով Դեմոկրատները մտադիր են վերանայել Թրամփի 1.5 տրիլիոն դոլարի ռազմական ծրագիրը. Wall Street Journal «Հրապարակ». Իշխող թիմում կարծում են, որ ամեն ինչ պետք է անել, որ ընդդիմությունը կողմ քվեարկի սահմանադրության Զելենսկին Դանիայի խորհրդարանում ծաղրեց Գրենլանդիայի նկատմամբ Թրամփի տարածքային պահանջները Իրանը եղել եւ մնում է «Թրամփի ուղու» կատաղի հակառակորդը Պրոֆեսիոնալ մարտիկը մերժեց Թրամփի մամուլի խոսնակը դառնալու առաջարկը