«Ժողովուրդ». Ինչպես բազմապատկվեց ցուցակից դուրս մնացած ՔՊ-ական պատգամավորի ունեցվածքը

«Ժողովուրդ» օրաթերթը գրում է. «Իշխող Քաղաքացիական պայմանագիր կուսակցության նախկին ակտիվ ներկայացուցիչներից Հայկ Ցիրունյանը այս ընտրություններին այլևս չկա նախընտրական ցուցակում։ Ընկերոջ կնոջ պատմությունը խանգարեց նրա կարիերային։ Բայց, մինչ քաղաքական դաշտից նրա լուռ հեռանալը, վերջին տարիներին նկատելիորեն աճել է նրա ունեցվածքը։

Սակայն այս ընտրություններին նրա անունը ցուցակում չկա։

Մինչդեռ նրա հայտարարագրերը հետաքրքիր պատկեր են բացում։

Չի հայտարարագրել ո՛չ տուն, ո՛չ հողամաս, ո՛չ էլ մեքենա։ Ունեցել է 280 հազար դրամ բանկային միջոց, 18 հազար դոլար և 8.25 մլն դրամ կանխիկ գումար։ ԱԺ-ից ստացած աշխատավարձը կազմել է 7.3 մլն դրամ։

Ձեռք է բերում առաջին անշարժ գույքը՝ Երևանի Շենգավիթ վարչական շրջանում հողամաս։ Միաժամանակ հայտարարագրում է նաև «Մատտերսոն Հոմ» ՍՊԸ-ում 50 տոկոս բաժնեմաս։ Կանխիկ միջոցները շարունակում են մնալ միլիոնների մակարդակում։

2023 թվական — ունեցվածքի արագ ընդլայնում։
Գնում է Կոտայքի մարզի Աբովյան համայնքում երկու հողամաս՝ 1.5 մլն և 2.5 մլն դրամ արժեքներով, ինչպես նաև Արագածոտնի մարզի Ապարան համայնքում անավարտ շինություն՝ 3.85 մլն դրամով։ Նույն տարում հայտարարագրում է նաև 2014 թվականի արտադրության LEXUS ավտոմեքենա, որը գտնվել է իր փաստացի տնօրինության տակ։

2024 թվական — նոր հողամաս, նոր եկամուտներ։
Արդեն հայտարարագրում ունի 4 անշարժ գույք և ձեռք է բերում ևս մեկ հողամաս՝ Ապարանում։ Բացի պատգամավորական աշխատավարձից, հայտարարագրում է նաև 3.5 մլն դրամ վարձակալության եկամուտ։

Հայտարարագրում նշվում են՝

Արագածոտնի մարզի Ապարան համայնքում հողամաս և ամառանոց,
Կոտայքի մարզի Աբովյան համայնքում երկու հողամաս,
Երևանի Շենգավիթ վարչական շրջանում հողամաս։

Այս անգամ մեքենա չի հայտարարագրել, սակայն առկա է 0.5 BITCOIN կրիպտոակտիվ։ Բանկային հաշիվներին՝ ընդամենը 170 հազար դրամ, բայց միաժամանակ կանխիկ՝ հազարավոր դոլարներ և միլիոնավոր դրամներ։ Բացի այդ՝ հայտարարագրել է ավելի քան 8 մլն դրամ վարկային պարտավորություն և 8 մլն դրամ գյուղատնտեսական գործունեության ծախս։

Ու հենց այս ֆոնին առավել ուշագրավ է մեկ այլ հանգամանք՝ նախկին ակտիվ ՔՊ-ական Հայկ Ցիրունյանը այս ընտրություններին արդեն դուրս է մնացել կուսակցության ցուցակից։

Քաղաքականությունից հեռանալուց առաջ պատգամավորի ունեցվածքի այսպիսի աճը, բնականաբար, նոր հարցեր է առաջացնում հանրության համար։ Բայց, ինչպես ինքն էր «Ժողովուրդ» օրաթերթի հետ զրույցում ասել, որը մեմ դարձավ․ «գործընթաց է երկրում, եղբայր»»։

Այս թեմայով Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Փաշինյանը նպատակ ունի կտրել թաղման նպաստները 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Նախկին վարչապետի ընտանիքը սգում է