Տեղեկությունը, թե վարորդները կարող են վճարովի կայանատեղիի համար գանձված գումարները վերադարձնել, իրավական հիմնավորում չունի․ Արտյոմ Կարապետյան

Մամուլում շրջանառվող տեղեկությունը, թե վարորդները կարող են դիմել Երևանի քաղաքապետարան՝ 2025 թվականին վճարովի կայանատեղիի համար գանձված գումարները վերադարձնելու պահանջով, իրավական հիմնավորում չունի: Այս մասին հայտնում է Երևանի քաղաքապետ Տիգրան Ավինյանի մամուլի քարտուղար Արտյոմ Կարապետյանը։

«Վարչական դատարանի վարչական գործով 2025 թվականի մայիսի 23-ին կայացված և օրինական ուժի մեջ մտած վճռով «Մայր Հայաստան» խմբակցության դիմումը բավարարվել է մասնակի, իսկ վիճարկվող դրույթներն ուժի մեջ մտնելու պահից անվավեր ճանաչելու պահանջով Երևանի ավագանու «Մայր Հայաստան» խմբակցության դիմումը մերժվել է: Սա նշանակում է, որ հանրությանը և լրագրողական համայնքին հետաքրքրող փոխհատուցման հարց առհասարակ չի կարող քննարկվել, քանի որ այդ մասով, կրկնենք, դատարանը մերժել է «Մայր Հայաստան» խմբակցության դիմումը:

Ավելին՝ Վարչական դատարանի որոշումը վերաբերում է բացառապես Ավագանու 2024 թվականի դեկտեմբերի 24-ի 265-Ն որոշմանը, այսինքն՝ 2025–ի համար սահմանված կայանման վճարներին և դատական ակտի բովանդակային վերլուծությունը վկայում է, որ Ավագանու 2025 թվականի դեկտեմբերի 23-ի «Երևան համայնքում տեղական վճարների 2026 թվականի դրույքաչափերի մասին» որոշմամբ սահմանված ավտոկայանման վճարների դրույքաչափերը վերանայելու հիմքեր չկան»:

Այս թեմայով Անցած շաբաթ հայտնաբերվել է 496 ոչ սթափ վարորդ ՏԱՔՍՈՒ ՎԱՐՈՐԴԸ ԵՂԵԼ Է ԱԴՐԲԵՋԱՆՑԻ. ԻՐԱՎԱՊԱՇՏՊԱՆՆ ԱՀԱԶԱՆԳՈՒՄ Է Կինը հեռացել է իրենից, ինքը Կրասնոդարում տաքսու վարորդ է եղել․ իրականում ով է եկեղեցու դեմ դուրս եկած Տեր Տարոնը.Politik.am Ուշադրություն վարորդներին ԱՀԱԶԱՆԳ. Վարորդները կաթված են ստանում Մաշտոցի պողոտայով երթեւեկելիս