Գագիկ Ծառուկյանը դատական հայց է ներկայացրել ընդդեմ Նիկոլ Փաշինյանի

Գագիկ Ծառուկյանը դատական հայց է ներկայացրել ընդդեմ Նիկոլ Փաշինյանի։ Այս մասին նշված է «Դատալեքս» դատական տեղեկատվական համակարգից:

Ըստ պահանջի՝ Նիկոլ Փաշինյանը պետք է հայցադիմումը բավարարելու մասին վճիռն օրինական ուժի մեջ մտնելուց հետո 5 աշխատանքային օրվա ընթացքում ՀՀ-ում գործող զանգվածային լրատվության միջոցների համար հասանելի վայրում և առնվազն 24 ժամ առաջ այդ մասին ԶԼՄ-ներին նախապես ծանուցելով հրապարակայնորեն հերքի Գագիկ Ծառուկյանի հասցեին տարածված զրպարտություն համարվող փաստացի տվյալները` հերքումն իրականացնելով հետևյալ կերպ. «ՀԵՐՔՈՒՄ, 28.05.2026 թվականին տված ճեպազրույցիս ընթացքում Գագիկ Ծառուկյանի՝ «հանցագործ», «շպիոն», «գործակալ» լինելու, «հանցավոր գործարք կնքած լինելու», «Հայաստանի ժողովրդին թալանելու», «օտարերկրյա հատուկ ծառայության ցուցումով Անդրանիկ Թևանյանին ԲՀԿ ցուցակում ներառելու» վերաբերյալ հրապարակված տվյալները չեն համապատասխանում իրականությանը՝ սուտ են»:

Հերքման տեքստն ու տեսանյութը հրապարակել մի շարք լրատվամիջոցներում։

Նիկոլ Փաշինյանից հօգուտ Գագիկ Ծառուկյանի բռնագանձել 6.000.000 դրամ՝ որպես զրպարտությամբ պատճառված վնասի փոխհատուցում:

Բացի այդ, Նիկոլ Փաշինյանը պետք է հրապարակային ներողություն խնդրի Գագիկ Ծառուկյանից։ Ներողության հրապարակում․ «Ես՝ Նիկոլ Փաշինյանս, ներողություն եմ խնդրում Գագիկ Ծառուկյանից 2026 թվականի մայիսի 28-ին ճեպազրույցիս ժամանակ Գագիկ Ծառուկյանի վերաբերյալ հնչեցված՝ Գագիկ Ծառուկյանի պատիվն ու արժանապատվությունն արատավորող արտահայտությունների համար, մասնավորապես ներողություն եմ խնդրում Գագիկ Ծառուկյանին շպիոն, գործակալ, հանցագործ անվանելու համար»։

Նիկոլ Փաշինյանից հօգուտ Գագիկ Ծառուկյանի բռնագանձել 3.000.000 դրամ՝ որպես վիրավորանքի արդյունքում պատճառված վնասի փոխհատուցում:

Նիկոլ Փաշինյանից հօգուտ Գագիկ Ծառուկյանի բռնագանձել հայցվորի կատարված և կատարվելիք դատական ծախսը՝ նախապես վճարված պետական տուրքի գումարը՝ 310.000 դրամ և փաստաբանի խելամիտ վարձատրության գումարը։

Գործը դատարան է ստացվել հունիսի 2-ին և մակագրվել Երևանի առաջին ատյանի ընդհանուր իրավասության քաղաքացիական դատարանի դատավոր Նաիրա Ավետիսյանին։ Գործը դեռ վարույթ չի ընդունվել։

Այս թեմայով Եթե այս կիրակի ընտրություն լինի՝ ՔՊ՝ 24.3%, «Ուժեղ Հայաստան»՝ 8.5%, «Հայաստան»՝ 6.7%, ԲՀԿ՝ 3.3% Ucom-ն աջակցում է Silicon Mountains 2026-ին՝ խթանելով նորարարությունն ու տեխնոլոգիական զարգացումը Փաշինյանը մեկնել է Բրյուսել՝ մասնակցելու Euronews–ի «ԵՄ ընդլայնման գագաթնաժողով 2026»-ին Silicon Mountains 2026-ին ընդառաջ տեխնոլոգիական ոլորտի ներկայացուցիչները հանդիպել են լրագրողների հետ Լուսնային-արևային օրացույց՝ 2026 թ. հոկտեմբերի 28-ի համար