Իրանի նախագահը շնորհավորել է Նիկոլ Փաշինյանին

Իրանի նախագահ Մասուդ Փեզեշքիանը շնորհավորել է Նիկոլ Փաշինյանին, հայտնում են Իրանում Հայաստանի դեսպանատնից՝ հրապարակելով ուղերձը.

«Պարոն Նիկոլ Փաշինյան

Հայաստանի Հանրապետության վարչապետ

Ցանկանում եմ իմ ամենաջերմ շնորհավորանքները հղել Ձեզ Հայաստանի Հանրապետությունում խորհրդարանական ընտրությունների հաջող անցկացման և Ձեր ղեկավարած «Քաղաքացիական պայմանագիր» կուսակցության հաղթանակի կապակցությամբ։

Հայաստանի ժողովրդի կողմից Ձեր կառավարության նկատմամբ վերահաստատված վստահությունը վկայում է նրանց ցանկության և ձգտման մասին՝ շարունակելու խաղաղության, զարգացման, կայունության և տարածաշրջանային համագործակցության ամրապնդմանն ուղղված քաղաքականությունը։

Վստահ եմ, որ Ձեր վարչապետության նոր շրջանում վերջին տարիներին մեր երկու երկրների հարաբերություններում ձևավորված դրական և դինամիկ ընթացքը ավելի կզարգանա և կամրապնդվի՝ երկկողմ առավել լայն ու կառուցողական համագործակցության շնորհիվ։ Այդ գործընթացը կնպաստի մի կողմից երկու երկրների ազգային շահերի ապահովմանը, իսկ մյուս կողմից՝ մեր տարածաշրջանում խաղաղության, կայունության և զարգացման ամրապնդմանը՝ տարածաշրջանի երկրների փոխգործակցության և համագործակցության միջոցով։

Մաղթում եմ Ձեզ, Ձեր կառավարությանը և Հայաստանի բարեկամ ու հարևան ժողովրդին խաղաղություն, բարօրություն, երջանկություն և հաջողություններ։

Մասուդ Փեզեշքիան

Իրանի Իսլամական Հանրապետության նախագահ»։

Այս թեմայով Փեզեշքիանի ինքնաթիռը արտակարգ վայրէջք է կատարել Ավելի լավ է պատերшզմն ավարտել հենց այսօր, քանի դեռ մենք գտնվում ենք ուժի և արժանապատվության դիրքում. Փեզեշքիան Փեզեշքիանը կոչ է արել պատերազմն ավարտել հիմա, երբ Իրանն ուժեղ աշխարհաքաղաքական դիրքում է Իրանի գերագույն առաջնորդը հանդիպել է Մասուդ Փեզեշքիանի հետ Փեզեշքիան․ «Իրանը չի պատրաստվում հարձակվել այլ երկրների վրա կամ ընդլայնել իր սահմանները»