«Ժողովուրդ». Հղի կնոջ նկատմամբ բռնության դեպքով նախաքննական մարմինը տեղից չի շարժվում

«Ժողովուրդ» օրաթերթը գրում է. «Մասիսում «Ուժեղ Հայաստան» կուսակցության համակիրների և հղի կնոջ նկատմամբ բռնության աղմկահարույց դեպքից անցել է արդեն 10 օր, սակայն նախաքննական մարմինը դեռևս չի շտապում մեղադրյալների հարցում։

Մեզ հայտնի է դարձել, որ Քննչական կոմիտե են հրավիրվել և հարցաքննվել ԵԿՄ Մասիսի մասնաճյուղի նախագահ Արսեն Հարությունյանը, ինչպես նաև միջադեպի մյուս մասնակիցները։ Այնուամենայնիվ, նախաքննական մարմինը, ըստ ամենայնի, կասկածելի դանդաղկոտություն է ցուցաբերում գործի քննության ընթացքում։

2026 թվականի հունիսի 2-ին Մասիս համայնքում մի խումբ անձինք խոչընդոտել էին «Ուժեղ Հայաստան» դաշինքի նախընտրական քարոզարշավը։ Տարածված տեսանյութերում երևում է, թե ինչպես են մի խումբ անձինք հարվածներ հասցնում և քաշքշում քաղաքական ուժի ներկայացուցիչներին։ Հարվածների է ենթարկվել նաև հղի կին։

Քննչական կոմիտեից հայտնել էին, որ Մասիսում տեղի ունեցած միջադեպի վերաբերյալ ստացվել է երեք հաղորդում, որոնց հիման վրա նախաձեռնվել է քրեական վարույթ՝ մի խումբ անձանց կողմից ֆիզիկական ներգործության (ՀՀ քրեական օրենսգրքի 195-րդ հոդվածի 2-րդ մասի 5-րդ կետ), խուլիգանության (297-րդ հոդվածի 2-րդ մասի 1-ին կետ) և նախընտրական քարոզչություն կատարելուն խոչընդոտելու (211-րդ հոդվածի 2-րդ մասի 5-րդ կետ) հատկանիշներով։

Միջադեպի կիզակետում է եղել ԵԿՄ Մասիսի մասնաճյուղի նախագահ Արսեն Հարությունյանը։

Նշենք, որ Արսեն Հարությունյանը, անդրադառնալով տեսանյութին, որտեղ, ըստ հրապարակումների, երևում է, որ ինքն էլ է մասնակցում միջադեպին, իսկ առնվազն երկու անձ ստացել են մարմնական վնասվածքներ և դիմել հիվանդանոց, հայտարարել էր.

«Կան իրավապահ մարմիններ, թող զբաղվեն, ով է սադրել։ Ինչո՞ւ պիտի մեր մեքենայի ճանապարհը փակեն, ինչո՞ւ պիտի գան, մտնեն մեր մեքենայի մեջ, ինչ-որ բաներ պահանջեն, ասեն՝ պատասխան եք տալու այսինչի, այնինչի համար, մեզ թուրք անվանեն։ Ինչի՞ համար։ Մենք այդպես չենք ապրել մեր կյանքը։ Հիմա էլ ենք ապրում հանգիստ ու խաղաղ։ Ես ոչ մեկին չեմ հարվածել և չեմ էլ պատրաստվել հարվածել։ Ձեզ երդվում եմ։ Հնարավոր է՝ պարզապես հրած լինեմ, որպեսզի նստի մեքենան»։

Առավել մանրամասն թերթի այսօրվա համարում

Այս թեմայով Կրակովի ահաբեկչի տանը հայտնաբերվել են ևս երեք՝ երկու կնոջ և մեկ տղամարդու դի Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը «Ժողովուրդ». Փակ հանդիպում ԱԺ-ում Շաքիի դեպքով Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Նման ձեւակերպումը անընդունելի է մարզպետի կողմից՝ ուղղված ռուս ազգի նկատմամբ․Աղազարյանը Շիրակի մարզպետի ռասիստական հայտարարության վերաբերյալ