«Ուժեղ Հայաստանը» պահանջում է անվավեր ճանաչել ընտրությունների արդյունքներն ու անդրադառնալ վերաքվեարկության հարցին

«Ուժեղ Հայաստան» կուսակցությունը Կենտրոնական ընտրական հանձնաժողով ներկայացրեց հունիսի 7-ին տեղի ունեցած ընտրության արդյունքներն անվավեր ճանաչելու վերաբերյալ դիմում։

«Դիմումի մեջ ներկայացրել ենք այն մասշտաբային ընտրախախտումները, որոնք տեղի են ունեցել նախքան քվեարկության օրը, ինչպես նաև՝ քվեարկության օրը։ Շեշտադրել ենք այն ռեպրեսիվ գործողությունները, որոնք տեղի են ունեցել, վարչական ռեսուրսի չարաշահումը, ատելության խոսքը»,-դիմումը ԿԸՀ ներկայացնելուց հետո լրագրողներին ասաց «Ուժեղ Հայաստան» կուսակցության ներկայացուցիչ Արամ Վարդևանյանը։

Նա նշեց, թե ԿԸՀ-ն ընտրությունների արդյունքների անվավեր ճանաչելու դիմումը քննարկելու ընթացքում պարտավոր է անդրադարձ կատարել վերաքվեարկության հանգամանքին։

«Վերաքվեարկության հիմքերը շատ հստակ են. եթե անվավեր ճանաչած այդ տեղամասերի արդյունքներն ազդեցություն են գործում ընտրության արդյունքների վրա, ապա այդտեղ պարտադիր է վերաքվեարկության հանգամանքը»,-ասաց Վարդևանյանը։

Նա նշեց, որ դիմումը քննության է առնվելու կիրակի՝ իսկ մինչ այդ  վերահաշվարկի արդյունքները կամփոփվեն։

Այս թեմայով Ոչ ոք չէր սպասում․ Tigo-ն ու Rubi-ին տժժում են Արամ Ասատրյանի երգի տակ Ռուբեն Ռուբինյան, էս փոխխոսնակներդ վրիցդ թռնում ե՞ն, չե՞ս կարում վրեքները․ Արամ Քոչարյան Գեներալ «մեր Արամը» շատ էր խռովել. այդպես չարեց անգամ Վլադիմիր Գասպարյանը Ահա, թե ինչպես է Փաշինյանն ընտրում պետական կառավարման համակարգի կադրերին. «Իշխանություն» Ոչ, Վարդևանյանին քյաբաբի դիմաց չենք ընտրել, ուղղակի իմ կողքին պիտի նստեր ընդդիմադիր փոխնախագահ