Քիչ առաջ փրկարարները հայտնաբերել են Փամբակ գետն ընկած երեխայի մորը, ով հայտնել է, որ իր երեխան եղել է իր ընկերուհու հետ, և հիմա ոչ իր երեխան կա, ոչ ընկերուհին

Քիչ առաջ փրկարարները, պարեկներն ու ոստիկանները հայտնաբերել են Լոռու մարզում կորած երեխայի մորը, ով հայտնել է, որ իր երեխան եղել է  ընկերուհու հետ, և հիմա ոչ իր երեխան կա, ոչ ընկերուհին, հաղորդում է Shamshyan.com–ը։

Այս պահին, ցավոք, կարծես թե հաստատվում է այն տեղեկությունը, ու 2 հոգի են ընկել գետը։

Ավելի վաղ հայտնել էինք, որ այսօր՝ հունիսի 15-ին, առեղծվածային դեպք է տեղի ունեցել Լոռու մարզում։ Ժամը 14:15-ի սահմաններում ՀՀ Ներքին գործերի նախարարության Փրկարար ծառայության Լոռու մարզային փրկարարական վարչություն ահազանգ է ստացվել քաղաքացիների կողմից, որ Վանաձոր քաղաքի Առափնյա փողոցի 3-րդ հատվածում երեխան ընկել է Փամբակ գետը։

Մեծ թվով քաղաքացիներ փրկարարներ պարեկներ ու համայնքային ոստիկաններ որոնողական աշխատանքներ են իրականացնում։

Դեպքի վայրում հավաքված մի քանի քաղաքացիներ նշում էին, որ երեխան մոտ 15 տարեկան աղջիկ է և կա ականատես, ով տեսել է, թե ինչպես է նա ընկնում գետը։