«Թրամփի ուղին» Թրամփի համար հետաքրքրություն ներկայացնո՞ւմ է

Ընդ­հան­րա­կան ի­մաս­տով Թ­րամ­փի հա­մար հիմ­նա­կան խնդիրն այլ ուղ­ղութ­յամբ է (Տե՛ս նաեւ https://iravunk.com/?p=342904&l=am): Ներ­կա ի­րա­վի­ճա­կում պետք է շա­րու­նա­կի ԱՄՆ հե­գե­մո­նիան ա­ռաջ տա­նե­լու փոր­ձե՞­րը, թե՞ գնալ Պեկի­նի եւ Մոսկ­վա­յի հետ հստակ պայ­մա­նա­վոր­վա­ծութ­յուն­նե­րի: Այն, որ Ի­րա­նի հետ «գոր­ծար­քը» ա­ռանց Մոսկ­վա­յի եւ Պե­կի­նի մաս­նակ­ցութ­յան դժվար թե ա­ռաջ գնար, հաս­կա­նա­լի է: Ա­ռա­վել եւս, որ ընդ­հուպ վեր­ջին պա­հին, երբ Ի­րա­նը պատ­րաստ­վում էր հար­վա­ծել Իս­րա­յե­լին, Թ­րամ­փը Պու­տի­նի հետ մոտ մեկժա­մա­նոց հե­ռա­խո­սազ­րույ­ցի ժա­մա­նակ գտավ, ո­րից հե­տո միայն Ի­րա­նը հա­մա­ձայն­վեց նոր պայ­ման­նե­րով հար­ված չհասց­նել: Սա ար­դեն ակ­նարկ է, որ Մոսկ­վա­յի եւ Պե­կի­նի հետ հա­մա­ձայ­նութ­յան գո­նե նախ­նա­կան ծրագ­րեր Թ­րամ­փի մոտ կան: Ընդ ո­րում, այդ մա­սին է ակ­նար­կում մեկ այլ հան­գա­մանք եւս:

Թ­րամ­փի մաս­նակ­ցութ­յամբ մեկ­նար­կեց G7 գա­գաթ­նա­ժո­ղո­վը, ո­րը տե­ղի է ու­նե­նում հու­նի­սի 15-17-ը Ֆ­րան­սիա­յի Է­վիան քա­ղա­քում: Հ­րա­վիր­ված­նե­րի թվում է Զե­լենս­կին, եւ ե­թե ա­նակն­կալ­ներ չլի­նեն, Թ­րամ­փը նրա հետ կհան­դի­պի այ­սօր: Ինչ­պես սպաս­վում է, այդ հան­դիպ­ման հիմ­նա­կան ա­ռանցքն է դառ­նա­լու ռուս-ուկ­րաի­նա­կան պա­տե­րազ­մի թե­ման: Թ­րամ­փը, ըստ ո­րոշ աղբ­յուր­նե­րի, կակ­տի­վաց­նի իր ա­ռաջ քա­շած լուծ­ման տար­բե­րա­կը` Ալ­յաս­կա­յում Պու­տի­նի հետ պայ­մա­նա­վոր­վա­ծութ­յուն­նե­րի հի­ման վրա ձեռք բեր­ված։ «Թ­րամ­փը պետք է հա­տու­ցի այն օգ­նութ­յան հա­մար, ո­րը Ի­րա­նի հար­ցով ստա­ցավ Մոսկ­վա­յից»,- բազ­ման­շա­նակ ակ­նար­կում է աղբ­յուր­նե­րից մե­կը:

­Նախ, ե­թե Թ­րամ­փը Ի­րա­նի հետ ու­նե­ցած ա­ռա­ջըն­թա­ցից հե­տո, նաեւ կա­րո­ղա­նա ուկ­րաի­նա­կան թե­ման տա­նել հան­գու­ցա­լուծ­ման, դա նրան բա­վա­կա­նին լուրջ վար­կա­նի­շա­յին թռիչք է խոս­տա­նում` աշ­նա­նը սպաս­վող Կոնգ­րե­սի մի­ջանկ­յալ ընտ­րութ­յուն­նե­րի շե­մին: Ի­րա­նա­կան մի­ջու­կա­յին թե­մա­յի լու­ծող, ուկ­րաի­նա­կան ծանր հա­կա­մար­տութ­յան կար­գա­վո­րող. վատ գո­վազդ չէ:

Այս տե­սանկ­յու­նից, բնա­կան էր, որ նա­խօ­րեին կա­յա­ցած Թ­րամ­փի եւ Պու­տի­նի հե­ռա­խո­սազ­րույ­ցում հիմ­նա­կան թե­մա­ներն էին ի­րա­նա­կան եւ ուկ­րաի­նա­կան հար­ցե­րը: Բացի այդ, ըստ այդ հե­ռա­խո­սազ­րույ­ցի մա­սին պաշ­տո­նա­կան հա­ղորդ­ման, ա­մե­նա­մոտ ժա­մա­նակ­ներս Մոսկ­վա են մեկ­նե­լու Ո­ւիտ­կոֆ–­Քուշ­ներ զույ­գը, ո­րը եւս ակ­նարկ է, որ մոտ ժա­մա­նակ­ներս բա­նակ­ցա­յին գոր­ծըն­թացն իր նախ­կին ձե­ւա­չա­փով եւ ուղղ­վա­ծութ­յուն­նե­րով կվե­րա­դառ­նա ա­ռաջ­նա­յին օ­րա­կարգ:

Մ­յուս կող­մից, կան տե­ղե­կութ­յուն­ներ, որ Բ­րի­տա­նիա–Ֆ­րան­սիա–­Գեր­մա­նիա եռ­յա­կը կփոր­ձի իր հեր­թին բա­նակ­ցել Թ­րամ­փի հետ` հա­մո­զե­լով վե­րա­դառ­նալ ԱՄՆ­–ի եր­բեմ­նի կուր­սին: Այդ թվում` շա­րու­նա­կել Ուկ­րաի­նա­յին ան­վե­րա­պահ ա­ջակ­ցութ­յու­նը, Ռու­սաս­տա­նի նկատ­մամբ տնտե­սա­կան պատ­ժա­մի­ջոց­ներն էլ ա­վե­լի խո­րաց­նել եւ ա­ռաջ­նորդ­վել Եվ­րո­պա­յի ա­ռաջ քա­շած «խա­ղա­ղութ­յան պայ­մա­նագ­րով»: Բայց ա­սել, թե այդ հոր­դոր­նե­րը կա­րող են ազ­դել Թ­րամ­փի վրա, այս պա­հին հիմ­քեր պար­զա­պես չկան:

­Շատ ա­վե­լի հա­վա­նա­կան է, որ նա կվե­րա­դառ­նա այն ճնշու­մա­յին կուր­սին, ո­րի հիմ­քե­րը դրել էր դեռ մին­չեւ ի­րա­նա­կան պա­տե­րազ­մը, եւ որն ի­րեն զգաց­նել տվեց նաեւ պա­տե­րազ­մի ըն­թաց­քում` կո­ռուպ­ցիոն սկան­դա­լի եւ Զե­լենս­կու «գորշ կար­դի­նալ» Եր­մա­կին մե­ղադ­րանք­ներ ներ­կա­յաց­նե­լու տես­քով: Բո­լորն են հաս­կա­նում, որ այդ մե­ղադ­րանք­նե­րի հա­ջորդ փու­լը Զե­լենս­կուն կոռ­ուպ­ցիա­յի մեջ մե­ղադ­րելն է, եւ հենց այդ դիր­քով էլ գոր­ծըն­թա­ցը կանգ ա­ռավ` Ի­րա­նի հետ այս թեժ բա­նակ­ցութ­յուն­նե­րի պատ­ճա­ռով:

Ընդ ո­րում, նաեւ հի­շեց­նենք, որ օ­րերս Ո­ւիտ­կոֆ–­Քուշ­ներ զույ­գի հետ բա­նակ­ցութ­յուն­նե­րում ՌԴ նա­խա­գա­հի ներ­կա­յա­ցու­ցիչ Դ­միտ­րիե­ւը հայ­տա­րա­րեց Ալ­յաս­կա­յից` Ռու­սաս­տա­նի թու­նե­լի կա­ռուց­ման հար­ցում ԱՄՆ­–ի հետ պայ­մա­նա­վոր­վա­ծութ­յուն­նե­րի մա­սին: Իսկ սա թա­փան­ցիկ ակ­նարկ էր, որ այն տնտե­սա­կան ծրագ­րե­րը, ո­րոնց մա­սին Պու­տինն ու Թ­րամ­փը ձեռք էին բե­րել պայ­մա­նա­վոր­վա­ծութ­յուն­ներ Ալ­յաս­կա­յում ան­ցած տար­վա հան­դիպ­մա­նը, դեռ ու­ժը կորց­րած չեն, եւ գա­լիս է դրանք ըն­թաց­քի մեջ դնե­լու փու­լը: Իսկ այն, որ այդ ա­մե­նի հիմ­քե­րից մեկն էլ Ուկ­րաի­նա­յում խա­ղա­ղութ­յուն հաս­տա­տելն էր, դա եւս հայտ­նի փաստ է:

Այս­պի­սով, ե­թե ռուս­–ա­մե­րիկ­յան հա­րա­բե­րութ­յու­ննե­րը վե­րա­դառ­նան Ալ­յաս­կա­յի պայ­մա­նա­վոր­վա­ծութ­յու­ննե­րի դաշտ, ա­պա այս ի­րա­վի­ճա­կում նոր հար­ցեր են ա­ռա­ջա­նում նաեւ հա­րավ­կով­կաս­յան ուղ­ղութ­յամբ ԱՄՆ­–ի ծրագ­րե­րի, այդ թվում` «Թ­րամ­փի ու­ղու» հետ կապ­ված: Ա­ռա­վել եւս, որ ե­թե ԱՄՆ–ն հաս­նում է Ի­րա­նի հետ պայ­մա­նա­վոր­վա­ծութ­յուն­նե­րի, ա­պա ա­ռաջ է գա­լիս հին հար­ցա­կա­նը` իսկ այդ ու­ղին առ­հա­սա­րակ պե՞տք է Թ­րամ­փին, թե՞ շատ ա­վե­լի նա­խընտ­րե­լի կհա­մա­րի հյու­սի­սա­յին եր­թու­ղի­նե­րը` Սա­ռուց­յալ օվ­կիա­նո­սի գո­տով:

Այս ֆո­նին նաեւ նկա­տենք, որ ԱՄՆ–Ի­րան փաս­տաթղ­թում կա նաեւ նման դրույթ` «ԱՄՆ զոր­քե­րի դուրս­բե­րում Ի­րա­նին մոտ գտնվող շրջան­նե­րից»: Իսկ այն, որ «Թ­րամ­փի ու­ղու» ա­պա­գա եր­թու­ղին ոչ թե պար­զա­պես «Ի­րա­նին մոտ» է, այլ բա­ռա­ցիո­րեն Ի­րա­նի սահ­մա­նով է անց­նե­լու, պետք է որ այդ դրույ­թի ազ­դե­ցութ­յան տակ լի­նի: Նաեւ հաշ­վի առ­նե­լով, որ այդ մի­ջանցքն Ի­րա­նի «ա­մե­նա­կար­միր գծե­րի» թվում է:

­Մի խոս­քով, թե­եւ Ա­լիե­ւը Թ­րամ­փի ծննդյան օր­վա հետ կապ­ված շնոր­հա­վո­րան­քում ջեր­մե­ռանդ խոս­քեր էր գրել «Թ­րամ­փի ու­ղու» մա­սին, իսկ Նի­կո­լը դրա հետ մի ամ­բողջ ա­պա­գա է կա­պել, սա­կայն այդ ծրա­գիրն աչ­քի ա­ռաջ նո­րից դառ­նում է մշու­շոտ:

Ա­մեն դեպ­քում, ե­թե սկսում է ի­րա­տե­սա­կան դառ­նալ ինչ­պես Ի­րա­նի, այն­պես էլ Ուկ­րաի­նա­յի շուրջ խա­ղա­ղութ­յան հե­ռան­կա­րը, ա­պա դա ար­դեն իսկ են­թադ­րում է նաեւ մեր տա­րա­ծաշր­ջա­նում ի­րո­ղութ­յուն­նե­րի կտրուկ փո­փո­խութ­յան հե­ռան­կա­րի ազ­դակ: Չ­նա­յած, դեռ տես­նենք, թե Ի­րա­նի եւ ԱՄՆ­–ի մի­ջեւ հա­մա­ձայ­նա­գիրն այս ուր­բաթ է­լեկտ­րո­նա­յին ստո­րագ­րութ­յու­նից այն կողմ կանց­նի՞:

Տե՛ս նաեւ https://t.me/iravunk/68553 

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար