Մրցակիցս թուրք մարզիկն էր, նրան մենամարտի երկրորդ ռաունդում կարողացա հաղթել տեխնիկական նոկաուտով

«ՇԱՏ ՈՒՐԱԽ ԵՄ, ՈՐ ԼԵԳԵՆԴԱՐ ԲՌՆՑՔԱՄԱՐՏԻԿԸ ԺԱՄԱՆԵԼ Է ՀԱՅԱՍՏԱՆ». ԲՌՆՑՔԱՄԱՐՏԻ ԵՎՐՈՊԱՅԻ Մ23 ՏԱՐԵԿԱՆՆԵՐԻ ՉԵՄՊԻՈՆ, ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ԱՆԴՐԱՆԻԿ ՄԱՐՏԻՐՈՍՅԱՆ։ Վերջերս Սերբիայի մայրաքաղաք Բելգրադում կայացած Բռնցքամարտի հեղինակավոր մրցաշարին մասնակցել են 24 երկրի կաշվե ձեռնոցի մարտիկներ, այդ թվում Աշխարհի ու Օլիմպիական չեմպիոններ։ Մեր երկրի ներկայացուցիչներն այդ բարդ մրցաշարում նվաճել են 1 ոսկե և 3 բրոնզե մեդալ։ Iravunk. com -ի մարզական թղթակիցը բացառիկ զրույց է ունեցել ոսկե մեդալակիր, մեծահասակների կազմում հանդես եկած, Եվրոպայի Մ23 տարեկանների չեմպիոն ԱՆԴՐԱՆԻԿ ՄԱՐՏԻՐՈՍՅԱՆԻ հետ։

- Շնորհավորում ենք, Անդրանիկ, հաղթանակի կապակցությամբ: 

- Շնորհակալ եմ։ Հանդես եկա 65 կգ քաշային կարգում։ Մեկնարկային մենամարտի ժամանակ 5։0 հաշվով հաղթեցի կանադացի մրցակցիս։ Հետո մրցակիցս թուրք մարզիկն էր, նրան մենամարտի երկրորդ ռաունդում կարողացա հաղթել տեխնիկական նոկաուտով։ Կիսաեզրափակչում մրցակցում էի Հունգարիայի ներկայացուցչի դեմ, նրան էլ 5։0 հաշվով պարտության մատնեցի։ Իսկ եզրափակչում ոսկե մեդալի համար թեժ պայքարում 3։2 հաշվով հաղթեցի բուլղարացի մրցակցիս Վիկտորիա Իլիևին։ Նա շատ փորձառու մարզիկ էր, 2023-ին դարձել էր Մ23 տարեկանների Եվրոպայի չեմպիոն։Այս մենամարտը ամենադժվարը անցավ։

- Անդրանիկ, ինչ զգացողություններ ունեցար, երբ իմացար թուրք մրցակից ունենալու մասին։

- Պատասխանատվությունը կրկնակի էր, միայն մտածում էի, որ ինչ գնով էլ լինի պիտի պայքարեմ ու հաղթեմ, այլ կերպ, բնական է, չէր կարող լինել։ Առաջին անգամ էի պայքարում թուրք մարզիկի դեմ, շատ ուրախ եմ, որ կարողացա հաղթել նրան։

- Ի?նչ տվեց քեզ այս ոսկե մեդալը։

- Շատ մեծ փորձ, նոր մոտիվացիա, մեծ ոգևորություն։

- Հետաքրքիր է, ո՞ւմ ես համարում որպես լեգենդար մարզիկ ու հավանում ես նրա մարտաոճը։

- Ազգությամբ կիրգիզ Դմիտրի Վիվոլին, նա բացարձակ չեմպիոն է թեթևագույն քաշային կարգում ու հայտնի է աշխարհահռչակ մարզիկների դեմ տարած փայլուն հաղթանակներով։ Նվաճել է թեթևագույն քաշային կարգի բացարձակ չեմպիոնի տիտղոսը WBA, IBO, WBC, IDF, WBO գոտիները։

- Ի դեպ, այս օրերին Երևանում է գտնվում ամերիկացի լեգենդար պրոֆեսիոնալ բռնցքամարտիկ, ծանրքաշային կարգի ներկայացուցիչ, համաշխարհային բռնցքամարտի պատմության մեջ ամենահայտնի ու ճանաչված մարզիկ Մայք Թայսոնը։

- Շատ ուրախ եմ, որ լեգենդար բռնցքամարտիկը ժամանել է Հայաստան, ուրախ կլինեմ ես էլ հանդիպել նրա հետ, հուսով եմ անմոռանալի տպավորություններ կստանա մեր հյուրընկալ երկրից։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով «ԱՄԵՆԱԴԺՎԱՐԸ ՍՏԱՑՎԵՑ ՌՈՒՍ ՄՐՑԱԿՑԻ ՀԵՏ ՄԵՆԱՄԱՐՏԸ». ԲՌՆՑՔԱՄԱՐՏԻ ՄԵԾԱՀԱՍԱԿՆԵՐԻ ԵՎՐՈՊԱՅԻ ՈՒ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՌՈՒԴՈԼՖ ԳԱՐԲՈՅԱՆ