Ռուսաստանը ձգտում է վերականգնել Ուկրաինայի ծովային շրջափակումը. Ուկրաինական աղբյուր (Տեսանյութ)

Ռուսաստանը ձգտում է վերականգնել Ուկրաինայի ծովային շրջափակումը։

Այս մասին հայտարարել է Ռադայի նախկին պատգամավոր և անօդաչու թռչող սարքերի վաշտի հրամանատար Իգոր Լուցենկոն՝ մեկնաբանելով Սև ծովում երեք նավերի վրա այսօր կատարված անօդաչու սարքերի հարվածները։

«Ստացվել են ազդանշաններ, որ Սև ծովի միջով անցնող «պատուհանը», որը բացվել էր 2023 թվականին Ուկրաինայի զինված ուժերի կողմից (խաբում է, Ռուսաստանն այն ժամանակ պայմանավորվածությունների արդյունքում բացեց բլոկադան բայց հետո «մոռացավ» փակել– Հեղ), այժմ կարող է կրկին փակվել։ Ռուսաստանը ձգտում է վերականգնել Ուկրաինայի ծովային շրջափակումը։ Այժմ նրան «Օձերի կղզին» պետք չէ դրա համար։ Անօդաչու սարքերի տեխնոլոգիայի զարգացումը հնարավորություն է տալիս կետային հարվածներ հասցնել մեր նավահանգիստներ ուղևորվող քաղաքացիական նավերի խոցելի կետերին», - գրել է Լուցենկոն։

Ըստ աղբյուրի, եթե հարվածներն ուժեղանանա, ապա նավատերերը պարզապես կարող են հրաժարվել մուտք գործել ուկրաինական նավահանգիստներ։

Լուցենկոն կոչ է անում Կիևին կառուցել անօդաչու սարքերի դեմ հակաօդային պաշտպանության համակարգ ոչ միայն ցամաքում, այլև ծովում։

Այսօր անօդաչու սարքերի հարվածներ են հասցվել Սև ծովում գտնվող երեք նավերի, այդ թվում՝ VICTRESS բեռնատար նավի վրա։ Նավի վրա բռնկվել է խոշոր հրդեհ, որի հետևանքով կան զոհեր, հայտնել է Ուկրաինայի ռազմածովային ուժերը։

Նավը պատկանում է թուրք նավատիրոջ և ծածանում է Պանամայի դրոշը։
Անձնակազմը տարհանվել է Ուկրաինայի ռազմածովային ուժերի կողմից։

Տես նաեւ https://t.me/iravunk/68803 

Այս թեմայով Զելենսկի. ԱՄՆ-ն պահանջում է Ուկրաինայի զինված ուժերի դուրսբերումը Դոնբասից Աբու Դաբիում սկսվել են Ռուսաստանի, ԱՄՆ-ի և Ուկրաինայի եռակողմ բանակցությունների երկրորդ օրը Միխայիլ Գալուստյանը ներառվել է Ուկրաինայի ԳՌՈՒ–ի տվյալների բազայում Ուկրաինական անօդաչուները խոշոր հարձակում են իրականացրել Լենինգրադի մարզում Ռուսաստանը պատրաստվում է հարվածներ հասցնել նաեւ Ուկրաինայի սննդի արդյունաբերության օբյեկտներին. Ուկրաինական ԳՌՈՒ