Իշխանությունն այսօր ունի մի կարգախոս՝ բացի մեզանից, բոլորը սխալ են. Ավագանու անդամը՝ Երեւանը «ապամոնտաժելու» մասին

Երևանի Ամիրյան փողոցը անվանակոչվել է Պապ թագավորի անունով, որոշումը կայացվել է Երևանի ավագանու նիստում: Արդյո՞ք նույն Ամիրյան փողոցում էլ ոչ մի խնդիր չկար, մնացել էր մի անունը փոխելը հարցին Երևանի ավագանու «Ազգային առաջընթաց» խմբակցության անդամ Քրիստինա Վարդանյանը արդարացիորեն փաստում է. 

- Այո, այդ նույն Ամիրյան փողոցում մենք ունենք հազարավոր խնդիրներ, որոնք ավելի ծանրացան այն բոլոր միջամտություններից, որոնք արվեցին: Երևանի թիվ մեկ խնդիրներն այսօր բոլորովին այլ են. երևանցուն ամենաշատ անհանգստացնում է տրանսպորտի այս սոսկալի վիճակը, դա էլ քիչ էր՝ երկու ամսով փակել են Կիևյան փողոցը, կիրակի օրն էլ չեն աշխատում, հանգստանում են: 

Չինաստանում մեկ շաբաթում կամ երեք օրում կամուրջներ են վերանորոգում՝ զրոյից բարձրացնելով: Երկու ամսով կամուրջը փակել են, կոլատերալ՝ շրջանցող փողոցներում խնդիր ենք ստեղծել, ու երևանցիները Ա կետից Բ կետը տասը րոպե անցնելու փոխարեն ծախսում են 2,5 ժամ: 

Այս շոգին, կիզիչ արևի տակ մարդիկ անցկացնում են իրենց օրը խցանումների մեջ: Ավագանին պետք է առաջնային խնդիրներին լուծում տա, ես այդքան խոսում եմ կանաչապատման խնդրի մասին, զանգվածաբար մեր ծառերը տասնյակ վնասատուներով են վարակված, չէ՞ որ սա ուղղակիորեն կապ ունի բնակչության առողջության հետ: 

Նույնը վերաբերում է մեքենաներին, որոնք խցանումների մեջ են, ու այս ամենով պայմանավորված ավելի շատ են արտանետումները, այս սոսկալի շինարարությունը, մի խոսքով՝ հազարավոր են այն խնդիրները, որոնցով քաղաքը ողողված է, իսկ մենք անհասկանալի բաներով ենք զբաղված: Փողոցի անվանափոխությունը արդիական հարց չէր, որ պետք է հրատապ արվեր: Իշխանությունն այսօր ունի մի կարգախոս՝ բացի մեզանից, բոլորը սխալ են: Իրենք ունեն իրենց գիծը, որից չեն շեղվում: 

Այս թեմայով Եվրոպայում խուճապ է տարածվում. տասնյակ նոր ինքնաթիռներ ստանում են ռումբի մասին սպառնալիքներ Հասել ենք ծանր ճակատամարտի վերջին տղե՛րք, ժողովուրդը Ձեզ չի ների հերթական խաբեության համար․Հակոբ Ասլանյան Եթե այս կիրակի ընտրություն լինի՝ ՔՊ՝ 24.3%, «Ուժեղ Հայաստան»՝ 8.5%, «Հայաստան»՝ 6.7%, ԲՀԿ՝ 3.3% Թրամփը հայտարարել է Ուկրաինայի և Ռուսաստանի միջև «խոշոր գործարքի» նախապատրաստման մասին ԱՄՆ նոր Կոնգրեսը կունենա բացահայտ ԼԳԲՏ-ականների ռեկորդային թիվ