Կիրառվել է և՛ վարչական ռեսուրս, և՛ համատարած ընտրակաշառք. Նախադեպային վճիռների հասած իրավապաշտպանը հայտարարությամբ է հանդես եկել

Աղմկահարույց գործերով նախադեպային վճիռների հասած իրավապաշտպան, Փաստաբան Լևոն Բաղդասարյանը հրատապ հայտարարությամբ է հանդես եկել.

Այս Ազգային ժողովի ընտրություններն առանձնահատուկ են մեկ աննախադեպ հանգամանքով․ խորհրդարան անցած բոլոր քաղաքական ուժերը հրապարակայնորեն արձանագրում են, որ ընտրություններն անցել են լուրջ խախտումներով, որոնք էական ազդեցություն են ունեցել ընտրությունների արդյունքների վրա։

Իշխանական քաղաքական ուժը, գլխավորությամբ Նիկոլ Փաշինյանի, հայտարարում է, որ տեղի է ունեցել համատարած ընտրակաշառք, որը խեղաթյուրել է ժողովրդի ազատ կամարտահայտությունը։ Մյուս կողմից՝ «Հայաստան» դաշինքն ու «Ուժեղ Հայաստանը» հայտարարում են, որ լայնորեն կիրառվել է վարչական ռեսուրս, ինչը նույնպես էական ազդեցություն է թողել ընտրությունների արդյունքների վրա։

Արձանագրում եմ՝ երկու կողմն էլ ընդունում են, որ ընտրական գործընթացը կրել է այնպիսի խախտումներ, որոնք ազդել են վերջնական արդյունքների վրա։

Իրականությունն այն է, որ կիրառվել են և՛ վարչական ռեսուրս, և՛ համատարած ընտրակաշառք։ Այդ պայմաններում խեղաթյուրվել է ժողովրդի կամքը, իսկ այդ գործընթացի հետևանքով գողացվել են նաև ԴՕԿ կուսակցության հազարավոր ձայներ։

Այսպիսով, երկու կողմերն էլ փաստացի արձանագրում են ընտրական գործընթացի վրա էական ազդեցություն ունեցած խախտումների առկայությունը։ Տարբերությունն այն է, որ յուրաքանչյուրն այդ պատասխանատվությունը վերագրում է մյուսին, մինչդեռ ստեղծված իրավիճակը վկայում է, որ ընտրությունների արդյունքները չեն արտահայտում ընտրողների ազատ կամարտահայտությունը։

Այս պայմաններում Սահմանադրական դատարանի առջև դրված է կարևոր իրավական խնդիր՝ գնահատել ներկայացված բոլոր փաստերն ու ապացույցները և կայացնել Հայաստանի Հանրապետության Սահմանադրությանը համապատասխան որոշում։

ԴՕԿ կուսակցության և անձամբ Վարդան Ղուկասյանի անունից հայտարարում եմ, որ հետևողականորեն շարունակելու ենք մեր իրավական պայքարը՝ պաշտպանելու յուրաքանչյուր ընտրողի ձայնը, հասնելու մեզանից խլված ձայների լիարժեք իրավական գնահատականին և պահանջելու օրենքով նախատեսված պատասխանատվություն բոլոր այն անձանց համար, որոնց գործողությունների հետևանքով խեղաթյուրվել է ընտրական գործընթացը։

Այս թեմայով Իրանում հանդիսավորությամբ նշվել է Հայաստանի Անկախության տոնը Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Թրամփը վերջին րոպեին չեղարկեց հուսիթների վրա հարձակումը. The New York Times